Еремей 18:13 - Коми Библия 2023

¹³ Та вӧсна Господь тадзи висьталӧ: – Израиль ныв вӧчӧ зывӧксьыс-зывӧк уджъяс. Юалӧй войтыръяслысь, кывліс-ӧ кодкӧ сылӧн кодь уджъяс йылысь.

Еремей 18:13 Iomraidhean Croise

Исай 36:22

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Исай 66:8

Коді кывліс татшӧмторйыс йылысь, коді аддзыліс татшӧмторсӧ? Му ӧмӧй артмӧ ӧти лунӧн, войтыр ӧмӧй чужӧ ӧти здукӧн? Но Сион нывлӧн сӧмын на заводитчис чужтан дойыс, а сійӧ чужтіс нин пиянсӧ.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Еремей 18:14

Ливан керӧс вылысь лымйыс ӧмӧй сывлывлӧ? Керӧс вывсянь визувтысь кӧдзыд ваыс ӧмӧй косьмывлӧ?

Еремей 23:14

Но ӧні Ме аддза, мый ерусалимса пророкъяс нӧшта на зывӧкджыка вӧчӧны: пежалӧны гозъякост олӧм, олӧны ылӧгас, ыззьӧдӧны йӧзсӧ лёк вылӧ, оз кежӧдны найӧс лёк вӧчӧмысь. Ме водзын тайӧ пророкъясыс Содом карын олысьяс кодьӧсь, а Ерусалимын олысьяс Гомора карын олысьяс кодьӧсь.

Еремей 31:4

Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Еремей 5:30

Мыйта зывӧкыс да пежыс вӧчсьӧ тайӧ муас:

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Осий 6:10

Израиль войтыр пӧвстын Ме аддза пежторъяс: Ефрем кырсалӧ, Израиль пежалӧма асьсӧ.

Амос 5:1

Кывзӧй, Израиль войтыр, тіян йылысь сьыла тайӧ бӧрдӧдчанкывсӧ.

Амос 5:2

Усьӧма Израиль ныв, чеччынысӧ оз вермы! Аслас му вылӧ сійӧс шыбитӧма, сійӧс лэптысьыс абу.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

Ӧксыяслӧн 1 небӧг 4:7

найӧс полӧм босьтіс. Найӧ шуалісны: «Енмыс локтіс израильса тышкайӧз чукӧртчанінӧ. Курыд шог миянлы! Татшӧмыс некор на эз вӧвлы.