Еремей 17:5 - Коми Библия 2023

⁵ Господь тадзи висьталӧ: – Ёрӧма сійӧ мортсӧ, коді лача кутӧ морт вылӧ, коді мыджсьӧ мувывса олысь вылӧ, кодлӧн сьӧлӧмыс ылыстчӧ Господьысь.

Еремей 17:5 Iomraidhean Croise

2 Каднебӧг 16:12

Комын ӧкмысӧд ӧксыалан воӧ Асалӧн чорыда висьмис кокыс, и висьӧмыс ёна топӧдіс сійӧс. Но висигас сійӧ шыасис эз Господь дінӧ, а бурдӧдысьяс дінӧ.

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Псалтыр 62:9

Тэкӧд йитчӧма менам сьӧлӧмӧй, Тэнад веськыд киыд кутӧ менӧ.

Исай 2:22

Дугдӧй лача кутны морт вылӧ, кодлӧн олӧмыс лолыштӧм кодь. Мый вермас вӧчны сійӧ?

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Еремей 11:3

Юӧрт налы, мый Господь, Израильлӧн Ен, тадзи висьталӧ: ёрӧма быдӧнӧс, коді оз кывзы тайӧ йитӧдлысь тшӧктӧмъяссӧ.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Осий 1:2

Кор Господь кутіс сёрнитны Осий пыр, Сійӧ шуис Осийлы: «Мун да босьт аслыд гӧтырӧ кырсалысь аньӧс. Босьт ас дінад тшӧтш сылысь чурка ныв-писӧ. Израиль му кырсалысь ань кодь, ӧд израильсаяс эновтісны Господьӧс, юрбитӧны мукӧд енъяслы».