Еремей 16:17 - Коми Библия 2023

¹⁷ Ӧд найӧ оз вермыны дзебсьыны Меысь, Менам синмӧй аддзӧ налысь туйяссӧ, и налӧн лёк вӧчӧмъясыс пыр Менам син водзынӧсь.

Еремей 16:17 Iomraidhean Croise

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

Иов 10:14

Тэ видзӧдан ме бӧрся, вӧча-ӧ ме мыжсӧ, Тэ он коль менсьым мыжӧс мыждытӧг.

Иов 31:4

Менсьым туйясӧс ӧмӧй Енмыс оз аддзы, менсьым воськовъясӧс ӧмӧй оз лыддьы?

Псалтыр 139:3

Ас пытшканыс найӧ мӧвпалӧны лёксӧ вӧчны, быд лун найӧ зыксьӧны.

Псалтыр 33:15

Ылыстчы лёксьыс да вӧч бурсӧ, корсь лӧньлунсӧ да кутчысь сэтчӧ.

Псалтыр 51:9

«Видзӧдлӧй, тайӧ мортыс эз Енсянь корсь дорйӧмсӧ, сійӧ лача кутіс аслас ыджыд озырлун вылӧ, ёнмӧдчис аслас лёк уджъясӧн».

Псалтыр 90:8

Тэ сӧмын кутан видзӧдны, аслад синнад аддзан лёк вӧчысьяслысь водзӧс перйӧмсӧ.

Шусьӧгъяс 15:3

Господьлӧн синмыс ставсӧ аддзӧ, лёк йӧзӧс и бур йӧзӧс.

Шусьӧгъяс 5:21

Господь аддзӧ мортлысь туйяссӧ, став туйсӧ сылысь мурталӧ.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Исай 66:18

Ӧд Ме тӧда налысь уджъяссӧ, тӧда налысь мӧвпъяссӧ. Ме локта да чукӧрта войтыръясӧс да быд кыла йӧзӧс. Найӧ локтасны да аддзасны Менсьым дзирдлунӧс.

Еремей 2:22

Дерт, тэ верман мыссьыны кунваӧн, ёна ниртны асьтӧ майтӧгӧн, но тэнад мыжъясыд кольӧны Ме водзын, – висьталӧ Господь Ыджыдыс.

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Еремей 29:23

Ӧд Израильын найӧ вӧчисны зывӧкторъяс: найӧ пежалісны гозъякост олӧм мукӧдлӧн гӧтыръяскӧд, Менам нимсянь висьтавлісны ылӧгсӧ, мый Ме эг тшӧктывлы висьтавны. Ме тӧда та йылысь, ӧд Ачым аддзылі тайӧс, – висьталӧ Господь».

Еремей 32:19

Тэнад шуӧмъясыд мывкыдӧсь, Тэнад уджъясыд вынаӧсь, Тэ аддзан мортлысь туйяссӧ, быдӧнлы мынтысян сылӧн туйясыс серти, сылӧн уджъяслӧн вотӧсыс серти.

Еремей 7:11

Тайӧ керкасьыс, мый сиӧма Менам нимлы, ті вӧчинныд лёк вӧчысьяслы дзебсянін. Ме ӧд ставсӧ аддза, – висьталӧ Господь.

Езекиль 8:12

Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».

Езекиль 9:9

Господь шуис меным: «Израиль войтырлӧн да Иуда войтырлӧн мыжыс вывті ыджыд. Тайӧ муыс тырӧма вирӧн, и тайӧ карас веськыда мыждӧмыс абу. Йӧзыс шуӧны, Господь пӧ эновтӧма тайӧ мусӧ, Господь пӧ оз аддзы.

Софоний 1:12

Сійӧ кадас Ме би ӧзтӧмӧн кытшовта Ерусалим, корся да мыжда найӧс, кодъяс дундӧмаӧсь вина-сурысь, кодъяс мӧвпалӧны: «Бурсӧ ни лёксӧ оз вӧч миянлы Господь».

Закар 4:10

Весиг найӧ, кодъяс нинӧмӧ пуктісны крам панӧмсӧ, кутасны нимкодясьны, кор Зоровавельлӧн киысь аддзасны изъя кӧв. «Сизим биыс – тайӧ Господьлӧн синъясыс, кодъяс видзӧдӧны став муюгыд бӧрсяыс».

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.