Еремей 16:13 - Коми Библия 2023

¹³ Та вӧсна Ме вӧтла тіянӧс тайӧ мусьыс мӧд муӧ, мый ті ни тіян батьясныд энӧ тӧдлӧй. Сэні лун и вой ті понданныд кесъявны мукӧд енъяслы, ӧд Ме ог ло бур сьӧлӧма тіян дінӧ.

Еремей 16:13 Iomraidhean Croise

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

2 Каднебӧг 7:20

сэки Ме нетшышта тіянӧс Аслам му вылысь, мый Ме сеті тіянлы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь да серамтуйӧ пукта войтыръяс пӧвстын.

Еремей 10:18

Ӧд Господь тадзи висьталӧ: тайӧ муас олысьясӧс ӧні Ме вӧтла, дзескӧда найӧс сідзи, медым тӧдісны.

Еремей 14:8

Тэ – Израильлӧн лачаыс, сьӧкыд кадӧ сійӧс Мездысьыс. Мыйла Тэ тайӧ муас йӧз муысь локтысь кодь, войсӧ коллявны сувтлысь кодь?

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 15:14

Тэнӧ Ме мӧдӧда пленӧ, тэныд тӧдтӧм муӧ вӧрӧг нуӧдас тэнӧ, ӧд Менам скӧрлунӧй ыпъялӧ би моз, сійӧ сотас тэнӧ.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Еремей 16:5

Господь тадзи висьталӧ: эн мун сійӧ керкаас, кӧні кулӧм морт вӧсна бӧрдӧны. Эн бӧрд, эн бурӧд шогсьысьясӧс, ӧд Ме ылысті тайӧ войтырыс дінысь Ассьым лӧньлунӧс, буралӧмӧс да бурӧдӧмӧс, – висьталӧ Господь.

Еремей 17:4

Ті воштанныд мунытӧ, мый Ме сеті тіянлы. Ме пукта тіянӧс кесъявны асланыд вӧрӧглы сійӧ муас, мый ті онӧ на тӧдӧй, ӧд ті пестінныд Менам скӧрлунлысь бисӧ, и сійӧ пыр пондас ыпъявны.

Еремей 22:26

Ме вӧтла тэнӧ да тэнӧ чужтысь мамтӧ йӧз муӧ. Сэні ті энӧ чужлӧй, но сэні куланныд.

Еремей 22:28

«Тайӧ Еконей мортыс ӧмӧй жугалӧм доз, некытчӧ туйтӧм гырнич? Мыйла нӧ сійӧс да сысянь чужысьясӧс шыбитісны налы тӧдтӧм муӧ?»

Еремей 5:19

Кор тэнсьыд юаласны, мый вӧсна Господь, тіян Енныд, тадзи вӧчис тіянкӧд, сэки вочавидз: ”Ті эновтінныд Енсӧ да асланыд муын кесъялінныд мукӧд енъяслы. Та вӧсна ті понданныд кесъявны йӧз муын мукӧд войтырлы”».

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.