Еремей 15:2 - Коми Библия 2023

² Но найӧ кӧ юаласны тэнсьыд, кытчӧ пӧ миянлы муннысӧ, висьтав налы, мый Господь тадзи висьталӧ: – Кодлы шуӧма кувны, сійӧ мед кулас, кодлы шуӧма шыпуртысь кувны, сійӧ мед шыпуртысь кулас, кодлы шуӧма тшыгла кувны, сійӧ мед тшыгла кулас, кодлы шуӧма пленӧ мунны, сійӧ мед пленӧ мунас.

Еремей 15:2 Iomraidhean Croise

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 24:18

Повзьӧм мортлӧн горзӧмысь коді пышъяс, сійӧ гуӧ усяс, коді петас гусьыс, сійӧ налькйӧ веськалас. Ӧд енэжвыв ӧшиньяс воссясны, муыслӧн подулыс сыркмунлас.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 14:16

Сійӧ войтырыс, кодъяслы найӧ пророкалӧны, тшӧтш куласны тшыгъялӧм да шыпурт помысь. Найӧс шыбитасны ерусалимса уличьяс вылӧ, и некод оз дзеб найӧс ни налысь гӧтыръяснысӧ да налысь ныв-пинысӧ. Налысь лёк вӧчӧмнысӧ Ме бергӧда ас выланыс».

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 19:7

Тані Ме бырӧда Иуда войтырлысь да Ерусалимын олысьяслысь кӧсйӧмсӧ. Ме сета найӧс вӧрӧглӧн шыпурт улӧ, и найӧ куласны налысь олӧмсӧ босьтны кӧсйысьяслӧн ки помысь. Налысь шойяссӧ Ме шыбита кырныш-варышлы да зверъяслы.

Еремей 43:11

Сійӧ локтас да пазӧдас Египет му. Кодлы шуӧма кувны, сійӧ кулас. Кодлы шуӧма пленӧ мунны, сійӧ пленӧ мунас. Кодлы шуӧма шыпуртысь кувны, сійӧ шыпуртысь кулас.

Езекиль 12:11

Шу налы, мый тэ эм налы пас, и мый тэ вӧчан, сійӧ накӧд лоӧ. Найӧс босьтасны да нуӧдасны пленӧ.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 33:27

Шу налы, мый Господь Ыджыдыс тадзи висьталӧ: Ме Ачым кыв сетӧмӧн шуа, мый пазӧдӧм каръясӧ кольӧм йӧзыс шыпурт помысь куласны. Найӧс, кодъяс олӧны видз-му вылын, Ме сета зверъяслы сёйны. Изкаръясын да кырта горсъясын дзебсясьысьяс куласны пӧрӧс висьӧмысь.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Даниил 9:12

Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.

Амос 5:19

Сійӧ лунӧ ті лоанныд морт кодь, коді пышйӧ левысь, но паныдасьӧ ошкӧд, котӧртӧ гортӧдзыс да кутчысьӧ кинас стенмӧ, но сійӧс змей чушкӧ.

Закар 11:9

Ме шуи ыжъяслы: «Водзӧ ме ог кут видзны тіянӧс. Коді тіян пиысь кулас, мед кулас. Коді вошас, мед вошас. Ловйӧн кольысьяс мед сёясны ӧта-мӧднысӧ».

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.