Еремей 14:6 - Коми Библия 2023

⁶ Вӧлявывса осёлъяс сулалӧны изъя керӧсъяс вылын, шакалъяс моз горша апалӧны сынӧдсӧ, налӧн синъясыс гудыртчӧмаӧсь, ӧд туруныс абу.

Еремей 14:6 Iomraidhean Croise

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.

Еремей 2:24

Тэ вӧлін овтӧминын быдмӧм вӧлявывса энь осёл кодь, лёкколӧмыд дырйи вомтырнад апалін сынӧдсӧ. Коді вермас кутны тэнӧ? Тэнӧ корсьысьяслы абу колана мудзтӧдзныс котравны, нӧйччигад тэнӧ кокньыда позьӧ аддзыны.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Бӧрданкыв 5:17

Сьӧлӧмным тырӧма дойӧн, синмысь югыдыс кусӧма,

Йоиль 1:18

Пемӧсъяс ружтӧны, мӧсъяс шӧйтӧны, абутӧм турунсӧ корсьӧны, весиг ыж чукӧръясӧс суис бырӧдӧмыс.

Ӧксыяслӧн 1 небӧг 14:29

«Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын.