Еремей 14:22 - Коми Библия 2023

²² Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 14:22 Iomraidhean Croise

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 17:14

Ӧд Господь, Израильлӧн Ен, тадзи висьталӧ: ”Пызьыд тэнад дозмукысь оз быр, и выйыд дозсьыд оз чин, кытчӧдз Господь оз сет зэрсӧ му вылӧ”».

Ӧксыяслӧн 3 небӧг 18:1

Зэртӧм кадӧ коймӧд вонас Иллялы вӧлі Господьсянь кыв: «Мун Ахав дінӧ. Сэсся Ме ыста му вылас зэр».

Ӧксыяслӧн 3 небӧг 8:36

сэки Тэ кыв найӧс енэжсяньыд да прӧстит Аслад кесйӧгъяслысь да Израиль войтырыдлысь мыжсӧ. Петкӧдлы налы бур туйсӧ, кыті налы колӧ мунны, да мӧдӧд зэрсӧ Аслад му вылӧ, мый Тэ вичмӧдін Аслад войтырыдлы.

Иов 28:26

зэрлы сетіс индӧдъяс, чард-гымлы урчитіс туй,

Иов 5:10

Муыслы Сійӧ сетӧ зэр, видз-муяс юкталӧ ваӧн,

Псалтыр 135:7

Сійӧ вӧчис ыджыд югзьӧданторъяс, Сылӧн буралӧмыс оз помасьлы.

Псалтыр 147:8

Господь юӧртіс Ассьыс кывсӧ Яковлы, висьталіс Ассьыс индӧд-тшӧктӧмъяссӧ Израильлы.

Псалтыр 25:3

Тэнсьыд буралӧмтӧ ме пыр кута тӧд вылын, ме ветлӧдла Тэнад збыль туйӧд.

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 30:23

Господь сетас тэныд кӧдзӧм му вылӧ зэр, муыс сетас нянь, ассьыс быдтассӧ, сійӧ лоӧ озыр да пӧтӧса. Сійӧ лунӧ тэнад ыж-мӧскыд пондасны йирсьыны паськыд видз вылын.

Исай 41:29

Войтыръяслӧн енъясыс нинӧм кодьӧсь, бӧлбанъясыс тӧвру кодьӧсь, нинӧм оз вермыны вӧчнысӧ.

Еремей 10:12

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 10:13

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 10:3

Ӧд войтыръяс эскӧны-юрбитӧны абутӧмыслы. Вӧрын кодкӧ пӧрӧдӧ пу, пуысь вӧчасьысь вӧчӧ бӧлбанӧс,

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 5:12

Найӧ ылӧгсӧ висьталісны Господь йылысь: «Сійӧ нинӧм миянлы оз вӧч. Шогыс оз су миянӧс, шыпуртыс да тшыглуныс оз инмӧдчы миян дінӧ.

Еремей 5:24

Найӧ оз шуны: «Ми полам Господьысь, асланым Енмысь, коді ас кадӧ сетӧ миянлы арся да тувсовъя зэр, индӧ миянлы нянь чукӧртан кад».

Еремей 51:16

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Амос 4:7

Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.

Микей 5:6

Найӧ кутасны шыпуртӧн веськӧдлыны Ассур муӧн, веськӧдлыны Нимродлӧн муӧн карса дзиръя дорын. Лӧнь олӧм вайысь мездас миянӧс ассурсаяслӧн кипод улысь, кор найӧ пырасны миян муӧ, кор кутасны талявны мунымӧс.

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Индӧд 28:12

Господь восьтас тіянлы Ассьыс енэжвывса озырлун видзанінсӧ, медым ас кадӧ мӧдӧдны тіян му вылӧ зэр да бурсины тіянлысь став уджнытӧ. Ті верманныд уна войтырлы уджйӧзӧн сетны, но водзӧсӧн онӧ кутӧй босьтны. [Ті кутанныд ыджыдавны войтыръяс вылын, но тіян вылын найӧ оз кутны ыджыдавны.]

Индӧд 32:21

Ылӧг енъяслы юрбитӧмнас найӧ кыпӧдісны Ме пытшкын вежӧгтӧм, идолъяснас дӧзмӧдісны Менӧ. Та вӧсна Ме кыпӧда на пытшкын вежӧгтӧм войтыр пыр, кодӧс оз позь шуны войтырӧн, дӧзмӧда найӧс вежӧртӧм войтыр пыр.