Еремей 14:18 - Коми Библия 2023

¹⁸ Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Еремей 14:18 Iomraidhean Croise

Исай 22:2

Тэ ёна шызьӧмыд, ызгысь-гажӧдчысь кар. Тэнад тышкайӧзыд эз шыпурт помысь кувны, эз тышын усьны.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Еремей 23:21

– Ме эг мӧдӧдлы тайӧ пророкъяссӧ, а найӧ котӧртӧны. Ме эг висьтавлы налы, а найӧ пророкалӧны.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 6:25

Энӧ петӧй видз-му вылӧ, энӧ ветлӧдлӧй туй вывті, ӧд вӧрӧг кыйӧдчӧ шыпуртӧн, повзьӧдлӧ быд боксянь.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Бӧрданкыв 1:20

Господьӧй, видзӧдлы, кутшӧм меным сьӧкыд! Тэныд пыксьӧмӧй вӧсна менам пытшкӧсӧй шызьӧма, сьӧлӧмӧй тіралӧ. Ывлаын шыпурт бырӧдіс челядьӧс, керкаӧ кулӧм овмӧдчис.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Бӧрданкыв 4:9

Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.

Езекиль 7:15

Ывлаын – шыпурт, керкаын – пӧрӧс висьӧм да тшыгъялӧм. Видз-му вылын шыпурт виӧ, карын тшыгъялӧм да пӧрӧс висьӧм шырӧ.

Амос 4:6

– Таысь Ме мынтыси тіянлы, и сиктсаяслӧн эз вӧв нянь, карсаяслӧн пиньныс нянь курччалӧмысь шойччис. Но ті энӧ бергӧдчӧй Ме дінӧ, – висьталӧ Господь. –

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.