Еремей 14:16 - Коми Библия 2023

¹⁶ Сійӧ войтырыс, кодъяслы найӧ пророкалӧны, тшӧтш куласны тшыгъялӧм да шыпурт помысь. Найӧс шыбитасны ерусалимса уличьяс вылӧ, и некод оз дзеб найӧс ни налысь гӧтыръяснысӧ да налысь ныв-пинысӧ. Налысь лёк вӧчӧмнысӧ Ме бергӧда ас выланыс».

Еремей 14:16 Iomraidhean Croise

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Исай 9:16

Юрнуӧдысьяс кежӧдісны Израиль войтырӧс ылӧг туй вылӧ, и на бӧрся мунысьяс вошисны.

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 20:6

Тшӧтш тэнӧ, Пашхур, и став тэнсьыд гортсатӧ нуӧдас пленӧ. Тэ мунан Вавилонӧ да сэні кулан, и сэні гуаласны тэнӧ. Тадзи лоӧ тшӧтш тэнад ёртъясыдкӧд, кодъяслы тэ ылӧдлӧмӧн пророкалін”».

Еремей 27:15

Ме найӧс эг мӧдӧдлы, – висьталӧ Господь. – Найӧ Менам нимсянь юӧртӧны ылӧгсӧ. Кывзанныд кӧ найӧс, Ме вӧтла тіянӧс, и ті куланныд, куласны тшӧтш тіянлы пророкалысьяс».

Еремей 4:18

Тэнад туйясыд да уджъясыд вайисны тэныд шогсӧ, лёк вӧчӧмсьыд сьӧлӧмыд тырӧма курыд шогӧн.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 7:33

Тайӧ войтырыслӧн шойясӧн кутасны пӧткӧдчыны кырныш-варыш да зверъяс, и некод оз повзьӧд найӧс.

Еремей 8:1

Сійӧ кадас, – висьталӧ Господь, – иудаса ӧксыяслысь, юралысьяслысь, попъяслысь да пророкъяслысь лыяссӧ и Ерусалим карын олысьяслысь лыяссӧ босьтасны дзебанінъясысь.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Еремей 9:20

– Аньяс, кывзӧй Господьлысь кывсӧ, пельныд мед сюся кывзас Сылысь кывсӧ. Нывъяснытӧ велӧдӧй бӧрдӧдчыны, ӧта-мӧднытӧ велӧдӧй сьывны бӧрдан сьыланкыв.

Еремей 9:22

Юӧрт тадзи: видз-му вылӧ шыблалӧм куйӧд моз шойясыс кутасны туплясьны му вылын. Вундӧм бӧрти чукӧрттӧм кольтаяс моз шойясыс пондасны сярвидзны му вылын, и некод найӧс оз чукӧрт, – висьталӧ Господь.

Езекиль 39:14

Сизим тӧлысь кольӧм бӧрын лоӧ индӧма йӧзӧс, кодъяс дугдывтӧг кутасны ветлӧдлыны, корсьны му вылын куйлысь шойяссӧ да дзебны найӧс. Тадзи сӧстӧммӧдасны мусӧ.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Восьтӧм 16:1

Сэсся крамсьыс ме кылі гора гӧлӧс шы. Сійӧ шуис сизим анделлы: «Мунӧй да кисьтӧй Ен скӧрлуна сизим чашасӧ му вылӧ».