Еремей 14:15 - Коми Библия 2023

¹⁵ Та вӧсна тайӧ пророкъясыс йылысь Господь тадзи висьталӧ: найӧ пророкалӧны Менам нимсянь, но Ме эг мӧдӧдлы найӧс. Найӧ шуалӧны, мый тайӧ муас оз ло тыш ни тшыгъялӧм, но найӧ асьныс куласны шыпурт да тшыгъялӧм помысь.

Еремей 14:15 Iomraidhean Croise

Ӧксыяслӧн 3 небӧг 22:25

Микей воча шуис: «Тайӧс тэ гӧгӧрвоан сійӧ лунӧ, кор кутан котравны вежӧсысь вежӧсӧ да корсьны аслыд дзебсянін».

Еремей 20:6

Тшӧтш тэнӧ, Пашхур, и став тэнсьыд гортсатӧ нуӧдас пленӧ. Тэ мунан Вавилонӧ да сэні кулан, и сэні гуаласны тэнӧ. Тадзи лоӧ тшӧтш тэнад ёртъясыдкӧд, кодъяслы тэ ылӧдлӧмӧн пророкалін”».

Еремей 23:30

«Ме сувта сійӧ пророкъяслы паныд, кодъяс ӧта-мӧдныслысь гусялӧны Менсьым кывъясӧс, – висьталӧ Господь. –

Еремей 27:15

Ме найӧс эг мӧдӧдлы, – висьталӧ Господь. – Найӧ Менам нимсянь юӧртӧны ылӧгсӧ. Кывзанныд кӧ найӧс, Ме вӧтла тіянӧс, и ті куланныд, куласны тшӧтш тіянлы пророкалысьяс».

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 8:13

Виноградӧс моз Ме чукӧрта найӧс, медым мӧдӧдны пленӧ, – висьталӧ Господь, – вожъяс вылас оз коль весиг ӧти тусь, инжир пу вылын оз коль вотӧсыс, коръясыс косьмасны. Ставсӧ, мый Ме сеті налы, лоӧ мырддьӧма.

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Бӧрданкыв 2:20

Видзӧдлы, Господьӧй, видзӧдлы, кодлы Тэ тадзисӧ вӧчин! Мамъяс сёйӧны челядьнысӧ, морӧснас нёньӧдӧм каганысӧ. Господьлӧн вежаинын куйлӧны виӧм попъяс да пророкъяс.

Езекиль 13:14

Ме жугӧда стенсӧ, налысь еджыдӧн мавтӧм стенсӧ пасьварта, кисьта сійӧс подулӧдзыс. И кор сійӧ жмуткысяс, сыкӧд тшӧтш ылӧг пророкъяс куласны. Сэки ті тӧдмаланныд, мый Ме – Господь.

Езекиль 13:15

Стенмыс вылӧ да сійӧс еджыдӧн мавтысьяс вылӧ Ме кисьта скӧрлунӧс. Сэсся шуа тіянлы: Стенмыс абу, сійӧс мавтысьяс тшӧтш абуӧсь.

Езекиль 13:9

Ме лэпта киӧс да мыжда пророкъясӧс, кодъяс абутӧмсӧ аддзӧны да ылӧгсӧ юӧртӧны. Менам войтырлӧн чукӧртчӧмын налы лоны оз позь, Израиль войтырлӧн небӧгӧ найӧс оз гижны, Израиль муӧ найӧ оз пырны. Сэки ті тӧдмаланныд, мый Ме – Господь Ыджыдыс.

Езекиль 14:10

Пророклысь юасьысь и пророкалысь ӧтмоза мыжмасны. Кыкнаннысӧ лоӧ мыждӧма,

Езекиль 14:9

Но пророк кӧ ылалас да вочавидзас, сідзкӧ, Ме, Господь, лэдзи сылы ылавны. Ме лэпта киӧс сы вылӧ да бырӧда сійӧс Аслам Израиль войтыр пӧвстысь.

Езекиль 33:6

Локтысь тышкайӧзӧс аддзигӧн кӧ видзысь оз буксы буксанӧн да оз юӧрт войтырыслы вӧрӧг локтӧм йылысь, сэки вӧрӧг локтас да виас йӧзӧс. Быдӧн кулас аслас мыж вӧсна, но шыпурт улӧ веськалӧм мортлӧн вирысь Ме водзӧс перъя видзысьлысь.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Индӧд 18:20

Но коді Менам нимсянь висьталас, мый Ме эг тшӧкты висьтавны, либӧ висьталас мукӧд ен нимсянь, татшӧм пророкӧс мед виасны”.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,