Еремей 14:14 - Коми Библия 2023

¹⁴ Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 14:14 Iomraidhean Croise

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Еремей 20:6

Тшӧтш тэнӧ, Пашхур, и став тэнсьыд гортсатӧ нуӧдас пленӧ. Тэ мунан Вавилонӧ да сэні кулан, и сэні гуаласны тэнӧ. Тадзи лоӧ тшӧтш тэнад ёртъясыдкӧд, кодъяслы тэ ылӧдлӧмӧн пророкалін”».

Еремей 28:11

Став войтырыс дырйи Хананей шуис: «Господь тадзи висьталӧ: кык во мысти тадзи жӧ Ме жугӧда став войтыръяслӧн сьылі вылысь вавилонса Навукодоносор ӧксылысь сийӧссӧ». Сэсся Еремей пророк муніс аслас туйӧд.

Еремей 28:13

«Мун да шу Хананейлы, мый Господь тадзи висьталӧ: тэ жугӧдін пу сийӧс, но та пыдди тэ вӧчан кӧрт сийӧс.

Еремей 28:15

Еремей пророк шуис Хананей пророклы: «Кывзы, Хананей! Господь тэнӧ эз мӧдӧдлы. Тэ ышӧдан тайӧ войтырсӧ лача кутны ылӧг вылӧ.

Еремей 29:21

Колайлӧн Ахав пи йылысь да Маасейлӧн Седекей пи йылысь, кодъяс ылӧгсӧ юӧртӧны Менам нимсянь, Ме, Господь Саваоф, Израильлӧн Ен, тадзи висьтала: Ме сета найӧс вавилонса Навукодоносор ӧксы киӧ, и сійӧ виас найӧс тіян син водзын.

Еремей 29:31

«Пленӧ нуӧдӧм став йӧзыслы мӧдӧд гижӧд, мый Нехеламысь Шемай йылысь Господь тадзи висьталӧ: Ме эг мӧдӧдлы Шемайӧс, но сійӧ пророкалӧ тіянлы да ышӧдӧ тіянӧс лача кутны ылӧг вылӧ.

Еремей 37:19

Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 8:11

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Езекиль 12:24

Израиль войтыр пӧвстын оз нин ло петкӧдчылӧмыс да водзвыв юӧртӧмыс, мый эськӧ оз збыльмы.

Езекиль 13:2

«Морт пиӧй, шу ассяньныс пророкалысь израильса пророкъяслы: кывзӧй Господьлысь кывсӧ.

Езекиль 13:23

Водзӧ ті онӧ нин кутӧй абутӧмсӧ аддзыны да ылӧгсӧ юӧртны. Ме мезда Ассьым войтырӧс тіян киысь, сэки ті тӧдмаланныд, мый Ме – Господь».

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Закар 10:2

Гортса бӧлбанъяс висьталӧны нинӧм абусӧ, туналысьяс аддзӧны ылӧгторъяс, висьталӧны пӧръясяна вӧтъяс, ышӧдӧны нинӧм абунас. Та вӧсна войтырыс шӧйтӧ вошӧм ыж чукӧр моз, сьӧкыдалӧ видзысьтӧгыс.

Закар 13:3

Пондас кӧ кодкӧ ылӧдлӧмӧн пророкавны, сэки сылӧн бать-мамыс шуасны сылы, тэ пӧ ылӧгсӧ висьталан Господь нимсянь, та вӧсна тэ он кут овны. Аслас бать-мамыс кувмӧныс бытшкасны сійӧс ылӧг пророкалӧмсьыс.

Индӧд 18:20

Но коді Менам нимсянь висьталас, мый Ме эг тшӧкты висьтавны, либӧ висьталас мукӧд ен нимсянь, татшӧм пророкӧс мед виасны”.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.