Еремей 13:20 - Коми Библия 2023

²⁰ – Ерусалим, лэпты синтӧ да видзӧдлы войвывсянь локтысьяс вылӧ! Кӧні тэныд сетӧм войтырыд, мича ыж чукӧр кодь олысьясыд?

Еремей 13:20 Iomraidhean Croise

Шусьӧгъяс 14:28

Кор войтырыс уна, ӧксы нималӧ, кор этша, ӧксы бырӧ.

Еремей 1:14

Господь шуис меным: «Тайӧ муас олысьяс вылӧ шогыс воас войвывсянь.

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 23:2

Та вӧсна Ме, Господь, Израильлӧн Ен, тадзи висьтала Менсьым войтырӧс видзысьяслы: ті разӧдінныд-вӧтлінныд Менсьым ыжъясӧс, энӧ тӧждысьӧй на вӧсна. Ӧні Ме мыжда тіянӧс лёк вӧчӧмъясныд вӧсна, – висьталӧ Господь.

Еремей 25:37

Господьлӧн яр скӧрлунысь бырӧны видзьяс, кӧні повтӧг йирсьӧны налӧн ыжъясыс.

Еремей 6:22

Господь тадзи висьталӧ: – Войвыв муысь локтӧны тышкайӧз, му помсянь локтӧ уна лыда войтыр.

Аввакум 1:6

Ме кыпӧда калдея войтырӧс, скӧр да этш тӧдтӧм войтырӧс. Найӧ мунасны став му пасьталаыс, мед босьтны йӧз муяс.