Еремей 12:12 - Коми Библия 2023

¹² Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Еремей 12:12 Iomraidhean Croise

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Исай 57:21

Ентӧг олысьяслӧн лӧньлуныс абу, – висьталӧ менам Енмӧй.

Еремей 15:2

Но найӧ кӧ юаласны тэнсьыд, кытчӧ пӧ миянлы муннысӧ, висьтав налы, мый Господь тадзи висьталӧ: – Кодлы шуӧма кувны, сійӧ мед кулас, кодлы шуӧма шыпуртысь кувны, сійӧ мед шыпуртысь кулас, кодлы шуӧма тшыгла кувны, сійӧ мед тшыгла кулас, кодлы шуӧма пленӧ мунны, сійӧ мед пленӧ мунас.

Еремей 16:5

Господь тадзи висьталӧ: эн мун сійӧ керкаас, кӧні кулӧм морт вӧсна бӧрдӧны. Эн бӧрд, эн бурӧд шогсьысьясӧс, ӧд Ме ылысті тайӧ войтырыс дінысь Ассьым лӧньлунӧс, буралӧмӧс да бурӧдӧмӧс, – висьталӧ Господь.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Еремей 30:5

Господь тадзи висьталӧ: – Ми кылам полӧмла горзӧм, лӧньлуныс абу.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 4:27

Господь тадзи висьталӧ: – Тайӧ муыс лоӧ кушинӧн, но дзикӧдз ог бырӧд сійӧс.

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 47:6

– Господьлӧн шыпуртыс, кор нин тэ ӧвсян? Бӧр бергӧдчы пуртӧсад, лӧнь да шойччы.

Еремей 48:2

Моавӧс оз нин нимӧдны, Хешбонын вӧрӧг дасьтысьӧ Моавлы лёк вӧчны, шуалӧ, мунам пӧ бырӧдны сійӧс войтыръяс пӧвстысь. Мадмен, тэ кутан чӧв овны, ӧд шыпурт суас тэнӧ.

Еремей 8:15

Ми виччысим лӧнь олӧм, но бурыс эз во, ми виччысим бурдӧм, но миянӧс полӧм босьтӧ.

Бӧрданкыв 3:17

Ме вошті лӧньлунӧс, вунӧді шудлунӧс.

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Езекиль 21:28

Морт пиӧй, пророкав. Аммон войтыр йылысь да сылӧн Израильӧс омӧльтӧм йылысь Господь Ыджыдыс тадзи висьталӧ: перйӧма шыпурт, медым унаӧс начкыны-виавны. Сійӧс весалӧма, медым чардби моз югъялас.

Езекиль 21:4

Ме шуи бырӧдны тэнсьыд веськыда олысьясӧс да мыжаясӧс. Та вӧсна Менам перйӧм шыпуртӧй суас лунвывсянь войвылӧдз став олысьсӧ.

Езекиль 21:8

Меным вӧлі Господьсянь кыв:

Езекиль 21:9

«Морт пиӧй, пророкав. Господь тадзи висьталӧ: – Шыпуртсӧ лэчтӧма-весалӧма.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Амос 9:4

Вӧрӧг кӧ нуӧдас найӧс пленӧ, и сэні шыпуртлы тшӧкта виавны найӧс. Видзӧдла на вылӧ шог вайӧм могысь, бурсӧ налы ог вай.

Софоний 2:12

Ті, Эфиопия войтыр, куланныд Менам шыпуртысь.

Индӧд 32:42

Ньӧвъясӧс вирӧн юктӧда, виӧмаяслӧн да пленӧ босьтӧмаяслӧн вирнас. Шыпуртӧй яй ньылыштас, сёяс вӧрӧг юралысьяслысь юрнысӧ.

Восьтӧм 6:4

Сэки петіс мӧд вӧв, сійӧ вӧлі би гӧрд рӧма. Сы вылын пукалысьлы вӧлі сетӧма вын – босьтны му вылысь лӧньлунсӧ, медым йӧзыс виалісны ӧта-мӧднысӧ. Сылы вӧлі сетӧма ыджыд шыпурт.