Еремей 11:22 - Коми Библия 2023

²² Но Ме, Господь Саваоф, на йылысь тадзи висьтала: Ме мыжда найӧс. Налӧн зонъясыс куласны шыпуртысь, ныв-пиныс куласны тшыгъялӧмысь.

Еремей 11:22 Iomraidhean Croise

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 44:13

Кыдзи шыпуртӧн, тшыглунӧн да пӧрӧс висьӧмӧн Ме мыжді Ерусалимын олысьясӧс, тадзи жӧ Ме мыжда найӧс, кодъяс овмӧдчисны Египет муӧ.

Еремей 49:26

– Дамаск карлӧн изэрдъяс вылын усясны зонъяс, сійӧ лунӧ став тышкайӧзсӧ лоӧ виӧма, – висьталӧ Господь Саваоф. –

Еремей 9:21

Ӧд кулӧмыс пырӧ ӧшиньӧд, пырӧ миян керкаясӧ. Уличьяс вылын сійӧ бырӧдӧ челядьӧс, изэрдъяс вылын – том зонъясӧс.

Бӧрданкыв 2:21

Челядьлӧн и пӧрысьлӧн шойныс туплясьӧ туйяс вылын, менсьым ныв-зонмӧс шыпурт бырӧдіс. Тэ виалін найӧс Аслад скӧралан лунӧ, жалиттӧг начкин найӧс.

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –