Еремей 11:19 - Коми Библия 2023

¹⁹ Рам ыж моз, кодӧс нуӧдӧны начкыны, ме эг тӧд, мый найӧ вӧлі мӧвпыштӧмаӧсь вӧчны меным паныд. Найӧ шуисны, пусӧ пӧ вотӧснас кералам, бырӧдам пӧ сійӧс ловъяяс пӧвстысь, медым сылысь нимсӧ дзикӧдз вунӧдасны.

Еремей 11:19 Iomraidhean Croise

Иов 28:13

Сылысь донсӧ морт оз тӧд, тайӧ муюгыдсьыс сійӧс он аддзы.

Псалтыр 112:6

аддзӧ ставсӧ, мый эм енэжас да му вылас.

Псалтыр 142:5

Ме казьтывла важ олӧмӧс, мӧвпала став Тэнад уджъяс йылысь, мый вӧчин Аслад киӧн.

Псалтыр 52:5

Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Ен дінӧ.

Псалтыр 83:4

Господь Саваоф, менам Ӧксыӧй да Енмӧй! Тэнад висьпуктанін дорын весиг лэбач аддзӧ аслыс оланін, чикыш вӧчӧ аслыс поз, медым быдтыны сэні пиянсӧ.

Шусьӧгъяс 10:7

Веськыда олысьӧс бурӧн казьтывласны, а лёк вӧчысьлысь нимсӧ вунӧдасны.

Шусьӧгъяс 24:15

Лёк вӧчысь, эн кыйӧдчы веськыда олысьлӧн керкаыс бӧрся, сылысь оланінсӧ эн кушты.

Шусьӧгъяс 7:22

Начкыны нуӧдан ӧш моз, [чеп йылӧ домалӧм пон моз,] лыйлыны нуӧдан кӧр моз зонмыд ань бӧрся муніс.

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 38:11

Ме мӧвпышті: ме ог нин аддзы Господьӧс, ог аддзы Сійӧс ловъяяслӧн му вылын. Ме ог нин вермы видзӧдны йӧзыс вылӧ тайӧ му вылас олысьяскӧд ӧтвыв.

Еремей 1:19

Найӧ кутасны тышкасьны тэкӧд, но тэнӧ оз вермыны, ӧд Ме тэкӧд, – висьталӧ Господь. – Ме мезда тэнӧ».

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 26:8

Кор Еремей висьталіс ставсӧ, мый Господь тшӧктіс висьтавны войтырыслы, сэки попъяс, пророкъяс да войтырыс кутісны сійӧс да шуисны: «Тэ кулан!

Бӧрданкыв 3:60

Тэ аддзан, кыдзи мустӧмтысьяс кӧсйӧны водзӧс перйыны, мӧвпалӧны вӧчны меным лёксӧ.

Езекиль 32:24

Сэні куйлӧ Элам да эламса уна лыда войтыр, ставнысӧ шыпуртӧн виӧма, гӧгӧр дзебанінъяс. Пыдӧстӧминӧ мунісны тайӧ вундыштчытӧм йӧзыс, кодъясысь коркӧ полісны ловъяяслӧн му вылын. А ӧні налы яндзим, найӧ куйлӧны кулӧмаяскӧд му пыдӧсас.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Осий 9:8

Ме, пророк, аслам Енкӧд ӧтвыв видза Ефремӧс, но менам став туйяс вылӧ пукталӧма дзуг, весиг Ен керкаын меным паныд сувтӧны.

Лыд 1:14

Гад чужанкотырысь Регуэллӧн Эльясат пиыс,