Еремей 10:20 - Коми Библия 2023

²⁰ Менсьым чомйӧс куштісны, чом зэвтан гезъяссӧ орйӧдлісны. Менам челядьӧй мунісны ме дінысь, найӧ абуӧсь. Некодлы сувтӧдны менсьым чомйӧс, некодлы зэвтны чом дӧраясӧс.

Еремей 10:20 Iomraidhean Croise

Иов 7:8

Тэ он нин аддзыв менӧ, Тэ видзӧдлан ме вылӧ, а ме ог нин ло.

Шусьӧгъяс 12:7

Лёк вӧчысь кор усьӧ, сыысь нинӧм оз коль, а веськыда олысьлӧн керкаыс кольӧ сулавны.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 51:18

Став челядь пӧвстысь, тэнад чужтӧмаясысь, некодлы вӧлі нуӧдны тэнӧ. Став челядь пӧвстысь, тэнад быдтӧмаясысь, некодлы вӧлі кутыштнысӧ киӧдыд.

Исай 54:2

Ыдждӧд ассьыд чомтӧ, паськӧд ассьыд лэбувтӧ. Эн яндысь, кузьджыка нюжӧд чом зэвтан гезъястӧ, зумыдджыка сувтӧд чом кутан майӧгъястӧ.

Еремей 30:17

Ме сета тэныд бурдӧмсӧ, Ме бурдӧда тэнсьыд дойястӧ, – висьталӧ Господь. – Тэнӧ шулісны эновтӧмаӧн, Сионӧн, код вӧсна некод оз тӧждысь.

Еремей 31:15

Господь тадзи висьталӧ: – Рама карын ырзӧм-бӧрдӧм кылӧ. Ракель аслас ныв-пи вӧснаыс бӧрдӧ, оз кӧсйы ланьтны бӧрдӧмсьыс, ӧд найӧ абуӧсь нин.

Еремей 4:20

Выльысь и выльысь локтӧ бырӧдӧм, мусӧ ставнас куштӧма. Виччысьтӧг пазӧдісны менсьым чомъясӧс, ӧти здукӧн косялісны чом дӧраясӧс.

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.