Ёрдысьяс 9:56 - Коми Библия 2023

⁵⁶ Енмыс тадзи водзӧс перйис Авимелеклысь сыысь, мый Авимелек лёксӧ вӧчис аслас батьыслы – виис ассьыс сизимдас воксӧ.

Ёрдысьяс 9:56 Iomraidhean Croise

Олӧм 9:5

Тіян вир вӧсна – олӧмнытӧ мырддьӧм вӧсна – Ме водзӧс перъя сылысь, коді кисьтас вирнытӧ, пемӧс-ӧ сійӧ либӧ морт.

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 9:12

Сьылӧй Господьлы, Сионын Олысьлы, войтыръяс пӧвстын висьтавлӧй Сылӧн уджъясыс йылысь!

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Ап. уджъяс 28:4

Сэтчӧс олысьяс кор аддзисны Павел ки вылын ӧшалысь змейӧс, ӧта-мӧдныслы шуалісны: «Тыдалӧ, сійӧ морт виысь, вӧйӧмысь кӧ мездмӧм бӧрын Водзӧсперйысьыс кӧсйӧ босьтны сылысь олӧмсӧ».

Галатӧ 6:7

Асьнытӧ энӧ ылӧдлӧй – Енмыс серамтуйын оз ло. Мортыд мый кӧдзас, сійӧс и вундас.

Ёрдысьяс 9:24

Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ.

Ёрдысьяс 9:55

Израильсаяс кор аддзисны, мый Авимелек кулӧма, разӧдчисны гортаныс.

Ёрдысьяс 9:57

Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.