Ёрдысьяс 9:53 - Коми Библия 2023

⁵³ сэки ӧти ань сылы юр вылас шыбитіс изки. Изкиыс поткӧдіс сылысь юрсӧ.

Ёрдысьяс 9:53 Iomraidhean Croise

Ӧксыяслӧн 2 небӧг 11:21

Вунӧдінныд ӧмӧй, коді виис Тевецын Еровааллысь Авимелек писӧ? Стен вывсянь ань шыбитіс сы вылӧ изки, и мӧдыс куліс. Мыйла ті матыстчинныд стен дорӧдзыс?” Сэки тэ шу ӧксылы: ”Хеттей Урийӧс, тэнсьыд кесйӧгтӧ, тшӧтш виисны”».

Ӧксыяслӧн 2 небӧг 20:21

Но тіян карын эм Шевей нима морт. Сійӧ Ефрем керӧсвыв муысь, Бикрилӧн пиыс. Сійӧ кыпӧдчис Давид ӧксылы паныд. Сетӧй меным сійӧс, и ме вешъя тіян кар дорысь». Ань шуис Йоавлы: «Сылысь юрсӧ ми шыбитам тэныд стен вывсяньыс».

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?

Еремей 49:20

Кывзӧй, мый Господь шуис Эдом йылысь, мый шуис вӧчны Теманын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 50:45

Кывзӧй, мый Господь шуис Вавилон йылысь, мый шуис вӧчны Калдея муын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Ёрдысьяс 4:9

Девора шуис сылы: «Ме муна тэкӧд. Но тӧд, мый тышӧ ветлӧмысь ошкӧмыс оз ло тэныд, ӧд Господь сетас Сисарӧс ань киӧ». Девора мӧдӧдчис Вараккӧд ӧтлаын Кедешӧ.

Ёрдысьяс 9:15

Но сійӧ шуис: ”Ті кӧ веськыдӧсь да мавтыштӧмӧн пуктанныд менӧ аслыныд ӧксыӧ, локтӧй ыркӧдчыны менам вуджӧр улӧ. А ті кӧ абу веськыдӧсь, лежнӧгысь петас би да сотас ливанса сус пуяс”.

Ёрдысьяс 9:20

А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!»

Ёрдысьяс 9:52

Авимелек да сылӧн тышкайӧзыс матыстчисны башня дорӧ да кытшалісны сійӧс. Кор сійӧ матыстчис башня дзиръя дорӧ, медым ӧзтыны,