Ёрдысьяс 9:44 - Коми Библия 2023

⁴⁴ Ачыс Авимелек тышкакотырыскӧд веськӧдчис карлань да сувтіс карса дзиръя дорӧ, а мӧд кык тышкакотырыс уськӧдчисны видз-му вылын уджалысь сикемсаяс вылӧ да виалісны найӧс.

Ёрдысьяс 9:44 Iomraidhean Croise

Галатӧ 5:15

Ті кӧ йиранныд-пуранныд ӧта-мӧднытӧ, видзчысьӧй, мед ӧта-мӧдтӧ дзикӧдз энӧ бырӧдӧй.

Ёрдысьяс 9:15

Но сійӧ шуис: ”Ті кӧ веськыдӧсь да мавтыштӧмӧн пуктанныд менӧ аслыныд ӧксыӧ, локтӧй ыркӧдчыны менам вуджӧр улӧ. А ті кӧ абу веськыдӧсь, лежнӧгысь петас би да сотас ливанса сус пуяс”.

Ёрдысьяс 9:20

А энӧ кӧ веськыда вӧчӧй, Авимелексянь мед петас би да ньылыштас Сикем да Бет-Милло каръясын олысьясӧс, и мӧдарӧ, Сикем да Бет-Милло каръясын олысьяссянь мед петас би да ньылыштас Авимелекӧс!»

Ёрдысьяс 9:43

Сійӧ юкис ассьыс йӧзсӧ куим пельӧ да пуксьӧдіс кыйӧдчыны кар сайӧ. Кор сикемсаяс сӧмын на петісны карсьыс, Авимелек аслас йӧзыскӧд уськӧдчис на вылӧ да виис найӧс.

Ёрдысьяс 9:45

Авимелек тышкасис сикемсаяскӧд лунтыр. Босьтіс карсӧ, а сэтчӧс олысьясӧс виаліс. Сикем карсӧ бырӧдӧм бӧрын кар местасӧ кояліс солӧн.