Ёрдысьяс 8:5 - Коми Библия 2023

⁵ Гедеон шыасис Суккот карса олысьяс дінӧ: «Сетӧй менам йӧзлы нянь. Найӧ ёна мудзӧмаӧсь, ӧд ми вӧтӧдам мадианса ӧксыясӧс, Зевейӧс да Салманӧс».

Ёрдысьяс 8:5 Iomraidhean Croise

Олӧм 14:18

Салим карса Мелкиседек ӧксы, Медвылысса Енлы кесъялысь поп, петкӧдіс Ӧврамлы нянь да вина.

Олӧм 33:17

Яков мӧдӧдчис Суккотӧ. Сэтчӧ воӧм бӧрын лэптіс аслыс керка, а ыж-мӧскыслы вӧчаліс лэбувъяс. Та вӧсна нимтіс тайӧ местасӧ Суккотӧн.

Псалтыр 60:6

Енмӧй, Тэ кылін менсьым кыв сетӧмӧс, Тэ вичмӧдін меным сійӧ, мый кӧсйысин сетны Тэнад нимысь полысьяслы.

Индӧд 23:4

Ӧд Египетысь петӧм бӧраныд, кор ті матыстчинныд на дінӧ, найӧ эз вочаавны тіянӧс ваӧн да няньӧн, а мӧдарӧ, медалісны месопотамияса Петор карысь Веорлысь Валаам писӧ, мед ёрны тіянӧс.

Ёрдысьяс 5:23

«Ёрӧй Мероз карӧс, – шуӧ Господьлӧн андел. – Ёрӧй, сетӧй ёрӧм улӧ сэтчӧс олысьяссӧ. Ӧд найӧ эз локны Господьлы отсӧг вылӧ, налӧн тышкайӧзыс эз локны отсавны Господьлы».

Ёрдысьяс 8:10

Зевей да Салман ӧксыяс сэки вӧліны Каркор карын. Накӧд вӧлі дас вит сюрс морт, кодъяс колисны асыввыв войтыръяслӧн тышкайӧз пӧвстысь. А налӧн сё кызь сюрс тышкаморт усис тышын.

Ёрдысьяс 8:12

Мадианса Зевей да Салман ӧксыяс пышйисны. Гедеон суӧдіс да кутіс найӧс, а налӧн тышкайӧзыс повзьӧмнысла шӧйӧвошисны.

Ёрдысьяс 8:15

Гедеон локтіс суккотса олысьяс дінӧ да шуис налы: «Со Зевей да Салман, кодъяс вӧсна ті сералінныд ме вылын. Кор ме кори менам мудзӧм йӧзлы нянь, ті юалінныд, Зевейыс да Салманыс ӧмӧй менам киынӧсь нин».

Ӧксыяслӧн 1 небӧг 25:18

Авигея тэрмасьӧмӧн босьтіс кыксё тупӧсь нянь, кык кучик дозйын вина, сёйны дасьтӧм вит ыж, вит куд тыр пражитӧм тусь, сё ёкмыль изюм да кыксё ёкмыль косьтӧм инжир. Ставсӧ тайӧс пуктіс осёлъяс вылӧ.