Ёрдысьяс 8:4 - Коми Библия 2023

⁴ Гедеон локтіс Йӧрдан ю дорӧ да вуджис мӧдлапӧлас. Сыкӧд вӧлі куимсё морт. Найӧ вӧлі мудзӧмаӧсь [да тшыгӧсь], но водзӧ вӧтӧдісны вӧрӧгӧс.

Ёрдысьяс 8:4 Iomraidhean Croise

2 Коринфӧ 4:16

Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.

Галатӧ 6:9

Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.

Ёрдысьяс 7:25

Найӧ босьтісны мадианса кык юралысьӧс – Оривӧс да Зивӧс. Оривӧс виисны Орив изкырта дорын, а Зивӧс виисны Зивлӧн виноград пычкан гу дорын. Сэсся водзӧ вӧтӧдісны мадиансаясӧс. Оривлысь да Зивлысь юръяссӧ вайисны Гедеонлы Йӧрдан ю сайӧ.

Ёрдысьяс 8:3

Тіян киӧ Енмыс сетіс мадианса юралысьясӧс, Оривӧс да Зивӧс. Ме дорысь ті унджык вӧчинныд». Тайӧ кывъясыс бӧрын Ефремсянь чужысьяс лӧнисны.

Ӧксыяслӧн 1 небӧг 30:10

Налӧн весиг выныс эз вӧв Восор юсӧ вуджны. Кыксёыс колльчисны, а нёльсёыскӧд Давид муніс водзӧ.

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».