Ёрдысьяс 8:28 - Коми Библия 2023

²⁸ Израиль пиян вермисны мадиансаясӧс, и найӧ эз нин кыпӧдчывны израильсаяслы паныд. Гедеон дырйи нелямын во чӧж Израиль муын эз вӧвны тышъяс.

Ёрдысьяс 8:28 Iomraidhean Croise

Псалтыр 83:2

Кутшӧм мичаӧсь Тэнад оланінъясыд, Господь Саваоф!

Исай 10:26

Господь Саваоф кыпӧдас сы вылӧ Ассьыс орссӧ, кыдзи вӧчис мадиансаяскӧд, кор пасьвартіс найӧс Орив изкырта дорын. Сійӧ нюжӧдас Ассьыс бедьсӧ саридзлань, кыдзи нюжӧдіс сійӧс египетсаяслань.

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Ёрдысьяс 3:11

Нелямын во чӧж Израиль муын эз вӧвны тышъяс. Сэсся Кеназлӧн Отниэл пиыс куліс.

Ёрдысьяс 3:30

Сійӧ лунӧ израильсаяс вермисны моавсаясӧс. Кӧкъямысдас во чӧж Израиль муын эз вӧвны тышъяс. [Эхуд кувтӧдзыс вӧлі Израиль войтырлы ёрдысьӧн.]

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.

Ёрдысьяс 8:27

Тайӧ зарнисьыс Гедеон вӧчис ефод да пуктіс сійӧс аслас Офра карӧ. Израиль войтыр пондіс юрбитны ефодлы да эновтіс Господьӧс. Гедеонлы да сылӧн рӧдыслы ефодыс лои налькйӧн.

Ёрдысьяс 8:29

Йоаслӧн Гедеон пиыс, мӧд ногӧн кӧ, Ероваал, локтіс аслас гортӧ да оліс сэні.

Ӧксыяслӧн 1 небӧг 7:13

Тадзи вӧлі вермӧма филистимсаясӧс. Та бӧрти найӧ эз нин усьласьны Израиль му вылӧ. Самуиллӧн став олан лунъяс дырйи Господь чорыд кабырын кутіс филистимсаясӧс.