Ёрдысьяс 7:2 - Коми Библия 2023

² Господь шуис Гедеонлы: «Тэнад йӧзыд вывті уна. Ме кӧ сета мадиансаясӧс налӧн киӧ, Израиль войтыр кутас ышнясьны Ме водзын да шуны, ми пӧ асьным мездім асьнымӧс.

Ёрдысьяс 7:2 Iomraidhean Croise

Олӧм 46:2

Войнас Ен чукӧстіс Израильӧс: «Яков, Яков!» Яков вочавидзис: «Ме тані».

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

Исай 10:13

Ӧд ассурса ӧксы шуис: «Ме сюсь мывкыда морт, ставсӧ тайӧс вӧчи аслам вынӧн да сюсь вежӧрӧн. Ме бырӧді войтыръяслысь мувежтасъяссӧ, кушті налысь озырлунсӧ, вына морт моз шыбиті юралан пуклӧсысь налысь юралысьяссӧ.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Езекиль 28:17

Мичлун пондаыд тэ вылӧ кыпӧдчин, нималӧм пондаыд воштін мывкыдлунтӧ. Таысь Ме шыбиті тэнӧ му вылӧ, янӧді ӧксыяс водзын.

Езекиль 28:2

«Морт пиӧй, шу тирса юралысьлы, мый Господь Ыджыдыс тадзи висьталӧ: тэ вылӧ кыпӧдчин да шуин, ме пӧ ен, пукала пӧ саридз шӧрын енлӧн пуклӧсын. Но тэ сӧмын морт, абу ен, кӧть ассьыд вежӧртӧ ӧткодялан енлӧн вежӧрыскӧд.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Аввакум 1:16

Сійӧ вись вайӧ аслас ботанлы, тшынӧдчӧ аслас тыв водзын, ӧд на отсӧгӧн сійӧ лышкыда олӧ, пӧттӧдзыс сёйӧ.

Закар 12:7

Господь медводз мездас Иудалысь оланінсӧ, медым Давидлӧн рӧдыс да Ерусалимын олысьяс эз нимавны Иуда войтырысь ёнджыка.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Лыд 31:4

Израильса быд чужанкотырысь мӧдӧдӧй тышӧ сюрс тышкамортӧс».

Римӧ 11:18

сэки эн ошйысь мукӧд вожыс водзын. А кӧсъян кӧ ошйысьны, тӧд: он тэ кут вужсӧ, а вужйыс – тэнӧ.

Римӧ 3:27

Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн.

2 Коринфӧ 4:7

Тайӧ озырлунсӧ ми новлӧдлам ас пытшканым сёй дозъясын моз, медым петкӧдлыны, мый тайӧ ыджыдсьыс-ыджыд выныс Енмыслӧн, а абу миян.

Ефесӧ 2:9

Бур вӧчӧмыд оз мезды, медым некод эз ошйысь тайӧн.

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Индӧд 8:17

Энӧ мӧвпалӧй, мый ті асланыд вынӧн да ас киӧн озырлуннытӧ лӧсьӧдінныд.

Индӧд 8:18

Энӧ вунӧдӧй Господьӧс, ассьыныд Ентӧ. Сійӧ сетӧ тіянлы вын озырмыны, медым талун збыльмӧдны Ассьыс йитӧдсӧ, мый Сійӧ кыв сетӧмӧн кӧрталіс тіян батьяскӧд.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».