Ёрдысьяс 7:19 - Коми Библия 2023

¹⁹ Гедеон локтіс вӧрӧглӧн чомъяс дорӧдз, кор сэні рытъя видзысьясӧс вежисны войся видзысьяс. Гедеонкӧд вӧлі сё морт. Найӧ буксісны буксанъясӧн да жуглісны гырнич дозъяснысӧ.

Ёрдысьяс 7:19 Iomraidhean Croise

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Псалтыр 90:4

Сійӧ вевттьӧ тэнӧ бордъяснас, Сылӧн борд улын тэныд нинӧмысь повнысӧ. Сылӧн збыльыс – тэныд сайӧд да зумыд потшӧс.

Петӧм 14:24

Кыа петтӧдз Господь видзӧдліс би да кымӧр сюръя пытшсяньыс египетса тышкайӧз вылӧ да шӧйӧвоштіс найӧс.

Матвей 25:6

Войшӧрнас кылас горӧдӧм: ”Верӧспу локтӧ. Петӧй сылы воча!”

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

Восьтӧм 16:15

«Со, Ме локта гусясьысь моз. Шуда сійӧ, коді оз узь, но видзӧ ассьыс паськӧмсӧ, медым эз коль пасьтӧг да некод эз янӧд сійӧс».

Ёрдысьяс 7:16

Куимсё мортӧс Гедеон юкис куим пельӧ. Быдӧнлы киас сетіс буксан да гырнич доз, кытчӧ вӧлі дзебӧма ӧзъялысь факел.

Ёрдысьяс 7:18

Кор ме да мекӧд орччӧн сулалысьяс букӧстам буксанъясӧн, сэки чомъяс гӧгӧр сулалігмозныд ті тшӧтш букӧстӧй да горзӧй: ”[Тышкасям] Господь вӧсна да Гедеон вӧсна!”»

Ёрдысьяс 7:20

Став куимнан тышкакотырыс буксісны буксанӧн да жуглісны гырнич дозъяссӧ. Шуйга киас быдӧн кутіс факел, а веськыдас – буксан. Найӧ буксісны да горзісны: «Тышкасям Господь вӧсна да Гедеон вӧсна!»