Ёрдысьяс 7:14 - Коми Библия 2023

¹⁴ Ёртыс вочавидзис: «Тайӧ израильса Гедеонлӧн, Йоас пилӧн, шыпуртыс. Енмыс сетас сы киӧ мадиансаясӧс да став тайӧ тышкайӧзсӧ».

Ёрдысьяс 7:14 Iomraidhean Croise

Иов 1:10

Тэ ӧд быд боксянь кытшалӧмыд сійӧс, сылысь гортсасӧ да став овмӧссӧ. Тэ бурсиан сылысь быд удж, сылӧн ыж-мӧскыс рӧдмӧ-содӧ.

Лыд 22:38

Валаам вочавидзис: «Со, ме локті. Но мый ме верма шуны? Мый Енмыс сетас шуны, сійӧс и кута висьтавны».

Лыд 23:20

Меным тшӧктӧма бурсины. Енмыс кӧ бурсиис, ме вежнысӧ ог вермы.

Лыд 23:5

Господь тшӧктіс Валаамлы бӧр мунны Валак дінӧ да висьтавны сійӧ, мый сетіс сылы шуны.

Нав Исус 2:24

«Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».

Нав Исус 2:9

да шуис: «Ме тӧда, мый тайӧ мусӧ Господь сетіс тіянлы. Ми ставӧн полам тіянысь. Тайӧ муас став олысьыс дзӧрӧ-тіралӧ тіянысь.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Ёрдысьяс 3:28

Эхуд шуис налы: «Локтӧй ме бӧрся, ӧд Господь [Ен] сетіс тіян киӧ моавсаясӧс, тіянлысь вӧрӧгнытӧ». Найӧ мунісны сы бӧрся да босьтісны Йӧрдан ю вомӧн Моавӧ вуджанін, и некодлы эз лэдзны сэті вуджнысӧ.

Ёрдысьяс 7:13

Гедеон матыстчис да кыліс, кыдзи мадианса морт буретш висьталіс ёртыслы ассьыс вӧтсӧ: «Ме вӧтаси, быттьӧ миян чомъяслань гӧгыльтчис ид нянь тупӧсь. Сійӧ гӧгыльтчис ӧти чом дорӧ да пӧрӧдіс сійӧс. Чомйыс ставнас киссис».

Ёрдысьяс 7:15

Гедеон мыйӧн кыліс вӧт йылысь сёрнисӧ, копыртчӧмӧн юрбитіс Господьлы, сэсся бӧр локтіс израильса тышкайӧз дінӧ. Гедеон шуис налы: «Петамӧй тышӧ! Господь сетіс тіян киӧ мадиансаясӧс».

Ӧксыяслӧн 1 небӧг 14:12

Найӧ горӧдісны Ионафанлы да сылӧн кесйӧглы: «Кайӧй миян дінӧ, мыйкӧ висьталам тіянлы». Ионафан шуис кесйӧгыслы: «Лок ме бӧрся. Господь сетіс найӧс Израиль киӧ».