Ёрдысьяс 6:34 - Коми Библия 2023

³⁴ Сэки Господьлӧн Лолыс лэччис Гедеон вылӧ. Гедеон букӧстіс буксанӧн да чукӧртіс Авиэзерлысь рӧдсӧ ас дінас.

Ёрдысьяс 6:34 Iomraidhean Croise

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

2 Каднебӧг 24:20

Енлӧн Лолыс лэччис Иодай поплӧн Закар пи вылӧ. Закар сувтіс войтырыс водзӧ содъя пос вылӧ да шуис налы: «Господь тадзи висьталӧ: ”Мыйла ті торкаланныд Господьлысь тшӧктӧмъяссӧ? Тіян олӧманыд нинӧм оз кут артмыны. Ті эновтінныд Господьӧс, сідзкӧ, Сійӧ тшӧтш эновтас тіянӧс”».

Псалтыр 51:11

Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.

Лыд 10:3

Кор кыкнан трубаыс лэдзас шысӧ, сэки став войтырыс мед чукӧртчас тэ дінӧ вежа чом пыранін дорӧ.

Римӧ 13:14

Тіян паськӧмӧн мед лоӧ Господь Исус Кристос. Вир-яйныд вӧсна тӧждысьӧмсӧ энӧ бергӧдӧй сылысь лёк кӧсйӧмсӧ могмӧдӧмӧ.

Галатӧ 3:27

Ті пыртчинныд Кристосӧ, сідзкӧ, тіян паськӧмныд – Кристос.

Нав Исус 17:2

Ӧні му вичмис тшӧтш Манассей чужанкотырлӧн мукӧд рӧдъяслы: Авиэзер, Хелек, Асриэл, Шекем, Хефер да Шемид рӧдъяслы. Тайӧ вӧліны Манассейлӧн, Ӧсип пилӧн, пияныс да налӧн рӧдъясыс.

Ёрдысьяс 13:25

Кор Самсон оліс Махане-Данын, Цора да Эштаол каръяс костын, Господьлӧн Лолыс кутіс ышӧдны сійӧс Израильӧс мездӧм вылӧ.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 15:14

Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ёрдысьяс 3:27

[Израиль муӧ] Ефрем керӧсвыв муӧ локтӧм бӧрас Эхуд букӧстіс буксанӧн. Израиль пиян сыкӧд ӧтвылысь лэччисны сэтысь, и сійӧ муніс на водзвылын.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ёрдысьяс 8:2

Гедеон вочавидзис: «Ефремсянь чужысьяс, ті ӧд вӧчинныд ме дорысь унджык на! Ті чукӧртінныд бӧръя виноград розъяссӧ, тадзи унджык вӧчинныд Авиэзер рӧд дорысь.

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ӧксыяслӧн 1 небӧг 13:3

Геваын Ионафан пасьвартіс филистимсаяслысь тышкакотырсӧ. Та йылысь кывсис мукӧд филистимса тышкайӧзлы. Сэки Саул тшӧктіс буксыны буксанӧн Израиль му пасьтала, медым еврейяс тӧдмалісны,

Ӧксыяслӧн 1 небӧг 16:14

Саул дінысь Господьлӧн Лолыс вешйис. Господь ыстіс пеж лолӧс, и сійӧ кутіс топӧдны Саулӧс.