Ёрдысьяс 6:31 - Коми Библия 2023

³¹ Но Йоас шуис налы: «Ті кӧсъянныд дорйыны Ваалӧс? Кӧсъянныд сылы отсавны? Коді кутас дорйыны Ваалӧс, сійӧс асылӧдзыс мед виасны. Ваал кӧ ен, мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ёрдысьяс 6:31 Iomraidhean Croise

Ӧксыяслӧн 3 небӧг 18:27

Луншӧр кадӧ Илля кутіс серавны на вылын: «Гораджыка горзӧй! Сійӧ ӧд ен! Гашкӧ, сійӧ мӧвпалӧ мый йылысь кӧ? Гашкӧ, мыйкӧ вӧчӧ ӧні? А колӧкӧ, кытчӧкӧ муніс? Гашкӧ, узьӧ да, и сійӧс колӧ садьмӧдны?»

Ӧксыяслӧн 3 небӧг 18:29

Луншӧр кадсянь рытъя вись ваян кадӧдз найӧ этшсьыс петмӧн горзісны. Но некод эз вочавидз. [Тишбиса Илля шуис Вааллӧн пророкъяслы: «Вешйӧй. Ӧні ме кута вись вайны». Мӧдъясыс ланьтӧмӧн вешйисны.]

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Исай 41:23

висьталӧй локтанаыс йылысь, сэки ми тӧдмалам, мый ті – енъяс. Вӧчӧй бурсӧ либӧ лёксӧ, медым тайӧс аддзӧмысь миянӧс ставнымӧс полӧм босьтіс.

Исай 46:1

Усис Вил, муас усис Нево, тайӧ идолъяссӧ кыскӧны ас выланыс мудзӧм пемӧсъяс, бӧлбанъясныд сьӧктӧдӧны найӧс.

Исай 46:7

Найӧ лэптӧны ассьыныс енсӧ пельпом выланыс, нуӧны сійӧс да сувтӧдӧны аслас местаӧ. Сійӧ сулалӧ, оз вешйыв места вывсьыс. Найӧ горзӧмӧн шыасьӧны сы дінӧ, но сійӧ оз вочавидз, оз мезды шогъясысь.

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Еремей 10:5

Бӧлбанъяс – град йӧрын сулалысь повзьӧдчанторъяс кодьӧсь, сёрнитны оз вермыны. Найӧс новлӧдлӧны, ӧд асьныс ветлыны оз вермыны. Энӧ полӧй наысь, ӧд лёксӧ вӧчны найӧ оз вермыны, и бурсӧ вӧчны тшӧтш оз вермыны.

Лыд 14:6

Навлӧн Исус пиыс да Ефуннилӧн Калев пиыс, кодъяс мукӧдыскӧд ветлісны видзӧдлыны Ханаан му, косялісны паськӧмнысӧ

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

Ёрдысьяс 6:30

Карса олысьяс шуисны Йоаслы: «Вайӧд питӧ миян дінӧ! Сылы ковмас кувны, ӧд сійӧ жугӧдӧма Вааллысь висьпуктанінсӧ да кералӧма орччӧн сулалысь юрбитан пусӧ».

Ёрдысьяс 6:32

Сійӧ лунӧ Гедеонлы сетісны Ероваал ним, ӧд батьыс сы йылысь шуис: «Ваал мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».

Ӧксыяслӧн 1 небӧг 12:11

Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.