Ёрдысьяс 6:10 - Коми Библия 2023

¹⁰ Ме шуи тіянлы, мый Ме – Господь, тіян Енныд, энӧ юрбитӧй аморейяслӧн енъяслы. Но налӧн муас оліганыд ті энӧ кывзӧй Менӧ”».

Ёрдысьяс 6:10 Iomraidhean Croise

Ӧксыяслӧн 4 небӧг 17:13

Быд пророк да тӧдысь-аддзысь пыр Господь ӧлӧдліс Израильӧс да Иудаӧс: «Бергӧдчӧй асланыд лёк туйясысь. Олӧй Менам индӧд-тшӧктӧмъяс серти, мый Ме тшӧкті тіян батьяслы да висьтавлі тіянлы пророкъяс пыр, кодъяс кесъялісны Меным».

Ӧксыяслӧн 4 небӧг 17:33

Господьлы юрбитӧм кындзи найӧ юрбитісны тшӧтш асланыс енъяслы войтыръясныс моз, кодъяс пӧвстысь найӧс вӧлі вайӧдӧма Самарияӧ.

Ӧксыяслӧн 4 небӧг 17:7

Тайӧ ставыс суис Израиль войтырӧс сы понда, мыйла найӧ мыж вӧчисны асланыс Господь Енлы паныд, коді коркӧ петкӧдіс найӧс Египет муысь да мездіс фараонлӧн, египетса ӧксылӧн, нартитӧм улысь. Израильсаяс юрбитісны мукӧд енъяслы,

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Петӧм 34:12

Видзӧдӧй, медым сійӧ муын, кытчӧ ті овмӧдчанныд, энӧ кӧрталӧй йитӧд сэні олысьяскӧд. Кӧрталанныд кӧ, налькйӧ шеданныд.

Петӧм 34:14

Господьысь ӧтдор мукӧд енъяслы энӧ копрасьӧй, ӧд Господь – вежӧгтысь Ен.

Шусьӧгъяс 5:13

Мыйла эг кывзы, кор менӧ велӧдісны, мыйла пельӧс тупки, кор менӧ туйдӧдісны?

Еремей 10:2

Господь тадзи висьталӧ: – Энӧ олӧй мукӧд войтыръяс моз, на моз энӧ полӧй енэжвывса индысьпасъясысь.

Еремей 17:23

Но тіян батьясныд эз кывзыны, эз сибӧдны Менсьым кывъясӧс, найӧ асныралісны, эз кывзыны, эз сибӧдны Менсьым туйдӧдӧмӧс.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 42:21

Талун ме юӧрті тіянлы, мый висьталіс Господь, тіян Енныд, но ті энӧ кывзысьӧй Сылысь. Господь мӧдӧдіс менӧ висьтавны тіянлы, но ті энӧ кывзӧй.

Еремей 43:4

Карейлӧн Иоханан пиыс, тышкайӧзӧн веськӧдлысьяс да став войтырыс эз кывзыны Господьӧс, и эз кольччыны Иуда муӧ.

Еремей 43:7

Войтырыс эз кывзы Господьӧс, а мӧдӧдчис Египетӧ да локтіс Тафнис карӧ.

Еремей 9:13

Господь шуис: «Тайӧ войтырыс эновтіс Менсьым Индӧдӧс, мый Ме сеті налы. Найӧ эз кывзыны Менӧ, эз овны Менам кӧсйӧм серти.

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Римӧ 10:16

Но эз ставныс кывзыны Бур Юӧрсӧ. Исай шуӧ: «Господьӧй, коді эскис миян висьталӧмӧ?»

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?

Ёрдысьяс 6:9

Ме мезді тіянӧс египетсаяслӧн да тіянӧс дзескӧдысьяслӧн кипод улысь. Ме вӧтлі вӧрӧгнытӧ тіян водзысь да сеті налысь мусӧ тіянлы.