Ёрдысьяс 5:30 - Коми Библия 2023

³⁰ «Гашкӧ, тышын шедӧдӧмасӧ юклӧ, быд тышкамортлы ӧти ли кык нылӧс сетӧ. Сисар босьтӧ аслыс уна рӧма паськӧм, серлӧдлӧмӧн кыӧм чышъян пӧрччӧдӧ пленӧ босьтӧмалысь».

Ёрдысьяс 5:30 Iomraidhean Croise

Олӧм 37:3

Израиль радейтіс Ӧсипӧс мукӧд пиянсьыс ёнджыка, ӧд сійӧ чужис сылӧн пӧрысь кадӧ. Батьыс козьналіс Ӧсиплы уна рӧма кузь дӧрӧм.

Ӧксыяслӧн 2 небӧг 13:18

Кесйӧг петкӧдіс Фамарӧс да йигналіс сы бӧрся ӧдзӧссӧ. Фамар кояліс ассьыс юрсӧ пӧимӧн да косяліс уна рӧма кузь паськӧмсӧ – татшӧм паськӧм новлісны ӧксы нывъяс, кодъяс эз на вӧвны верӧс сайын. Сійӧ муніс юрас кутчысьӧмӧн да ырзӧмӧн бӧрдіс.

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Псалтыр 68:12

Кор ме пасьтала шогалан паськӧм, сэки ме йылысь кывбертӧны.

Петӧм 15:9

«Суӧда, – шуис вӧтӧдысь, – тшапнита да юкла кыйдӧсӧс, тадзи бурмӧда сьӧлӧмӧс. Перъя шыпуртӧс да ставнысӧ сутшкала».

Петӧм 27:16

Серлӧдлӧмӧн кы гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь кызь гырддза кузьта дӧра. Ӧшӧд сійӧс йӧр пыранінӧ. Дӧрасӧ ӧшӧдӧм могысь вӧч нёль сюръя да налы нёль подув.

Шусьӧгъяс 16:19

Ыкша йӧзкӧд мырддялӧм эмбур юклӧм дорысь бурджык гӧльяс пӧвстын раммӧдчӧмӧн овны.

Исай 9:2

Пемыдын олысь войтыр яр биа югыд аддзас, сап пемыдын олысьяслы югыд кыа петас.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.

Ёрдысьяс 5:29

Сыкӧд олысь мывкыд аньяс вочавидзӧны, и ачыс аслыс сійӧ дольӧ: