Ёрдысьяс 5:23 - Коми Библия 2023

²³ «Ёрӧй Мероз карӧс, – шуӧ Господьлӧн андел. – Ёрӧй, сетӧй ёрӧм улӧ сэтчӧс олысьяссӧ. Ӧд найӧ эз локны Господьлы отсӧг вылӧ, налӧн тышкайӧзыс эз локны отсавны Господьлы».

Ёрдысьяс 5:23 Iomraidhean Croise

Неемий 3:5

Насянь водзӧ стенсӧ дзоньталісны Текояын олысьяс, но налӧн тӧдчана йӧзыс эз кывзысьны асланыс ыджыдъяслысь да эз кӧсйыны уджавны.

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Римӧ 15:18

Лысьта висьтавны сӧмын сы йылысь, мый Кристос вӧчис ме пыр, медым вайӧдны ентӧдтӧмъясӧс Енлысь кывзысьӧмас. Сійӧ вӧчис тайӧс Енмыслӧн Лов вынӧн менам сёрниӧй да уджӧй пыр, индысьпасъяс да шензьӧданаторъяс пыр. Ерусалимсянь да водзӧ ме паськӧді Кристос йылысь Бур Юӧрсӧ, весиг Иллирикӧдз вои.

1 Коринфӧ 16:22

Коді оз радейт Господь Исус Кристосӧс, сійӧс лоӧ ёрӧма. Маран-афа.

1 Коринфӧ 3:9

Ми – Енлӧн уджъёртъяс, а ті – Сылӧн кӧдзӧм муыс, Сылӧн тэчасыс.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

Ёрдысьяс 13:3

Господьлӧн андел петкӧдчис Манойлӧн гӧтырыслы да шуис: «Ӧнӧдз тэ эн вермы сьӧктыны, но тэ сьӧктан да чужтан пиӧс.

Ёрдысьяс 2:1

Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.

Ёрдысьяс 21:5

Найӧ юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны, кор ми чукӧртчылім Господь водзӧ?» Ӧд вӧлі кыв сетӧма, мый лоӧ виӧма быдӧнӧс, коді оз лок Господь водзӧ Миспаӧ.

Ёрдысьяс 21:8

Нӧшта юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны Миспаӧ Господь водзӧ?» Вӧлӧмкӧ, Галаад муысь Явис карысь некод абу вӧлӧма чукӧртчанінын.

Ёрдысьяс 4:6

Девора мӧдӧдіс корны Авиноамлысь Варак писӧ Кедеш карысь, Неффалим чужанкотырлӧн муысь. Сійӧ шуис Вараклы: «Господь, Израильлӧн Ен, тшӧктӧ тэныд: ”Мун кай Тавор керӧс вылӧ. Босьт аскӧдыд Неффалим да Завулон чужанкотыръяс пӧвстысь дас сюрс мортӧс.

Ёрдысьяс 5:13

Ловйӧн кольӧмаяс локтісны веськӧдлысьяс дінӧ, Господьлӧн тышкайӧзыс чукӧртчис ме дінӧ.

Ёрдысьяс 6:11

Господьлӧн андел локтіс Офраӧ да пуксис Авиэзер рӧдысь Йоаслӧн тупу улӧ. Тайӧ кадас Гедеон, Йоаслӧн пиыс, виноград пычкан гуын вартіс шобді. Сэтчӧ сайӧдчис мадиансаясысь, медым найӧ эз тӧдмавны нянь йылысь.

Ёрдысьяс 8:5

Гедеон шыасис Суккот карса олысьяс дінӧ: «Сетӧй менам йӧзлы нянь. Найӧ ёна мудзӧмаӧсь, ӧд ми вӧтӧдам мадианса ӧксыясӧс, Зевейӧс да Салманӧс».

Ёрдысьяс 8:6

Суккотса юралысьяс шуисны сылы: «Зевейыс да Салманыс ӧмӧй тэнад киынӧсь нин, медым ми нянь сетім тэнад тышкайӧзыдлы?»

Ёрдысьяс 8:8

Гедеон муніс водзӧ Пенуэл карӧ да тадзи жӧ нянь корис сэтчӧс олысьяслысь, но найӧ вочавидзисны суккотса олысьяс моз.

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».

Ӧксыяслӧн 1 небӧг 18:17

Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.

Ӧксыяслӧн 1 небӧг 26:19

Кывзы менӧ, ӧксыӧй-ыджыдӧй! Господь кӧ ышӧдіс тэнӧ меным паныд, мед висьлӧн чӧскыд дукыс бурмӧдас Сылысь сьӧлӧмсӧ. А йӧз кӧ ышӧдісны, мед лоӧ ёрӧма найӧс Господь водзын, ӧд найӧ вӧтлісны менӧ Господьлӧн муысь да тшӧктісны юрбитны мукӧд енъяслы.