Ёрдысьяс 5:14 - Коми Библия 2023

¹⁴ Ефрем чужанкотырысь локтісны амалик войтырлӧн муӧ овмӧдчӧмаяс, на бӧрся локтіс Веняминлӧн тышкакотырыс. Макир рӧдысь локтісны веськӧдлысьяс, Завулон чужанкотырысь локтісны юралан бедь кианыс кутысьяс.

Ёрдысьяс 5:14 Iomraidhean Croise

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Олӧм 35:24

Ракельлӧн пияныс вӧліны Ӧсип да Венямин.

Псалтыр 68:27

Ӧд найӧ дзескӧдӧны сійӧс, кодӧс Тэ пасьвартін, содтӧны дойсӧ сылы, кодӧс Тэ дойдалін.

Осий 5:8

Буксӧй буксанӧн Гиваын, тутсӧй трубаӧ Рамаын! Юӧртӧй Бет-Авенын: «Венямин, локтӧ вӧрӧгыд!»

Ёрдысьяс 12:15

Кулӧм бӧрас сійӧс дзебисны Ефрем муын сулалысь Пиратон карӧ, амаликъяслӧн керӧсвыв муӧ.

Ёрдысьяс 3:13

Эглон чукӧртіс аммон да амалик войтырӧс да уськӧдчис Израиль вылӧ. Найӧ босьтісны Пальма кар.

Ёрдысьяс 3:27

[Израиль муӧ] Ефрем керӧсвыв муӧ локтӧм бӧрас Эхуд букӧстіс буксанӧн. Израиль пиян сыкӧд ӧтвылысь лэччисны сэтысь, и сійӧ муніс на водзвылын.

Ёрдысьяс 4:10

Варак чукӧртіс Кедешӧ Завулон да Неффалим чужанкотыръясӧс. Сы бӧрся муніс дас сюрс морт, Девора тшӧтш муніс сыкӧд.

Ёрдысьяс 4:14

Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.

Ёрдысьяс 5:13

Ловйӧн кольӧмаяс локтісны веськӧдлысьяс дінӧ, Господьлӧн тышкайӧзыс чукӧртчис ме дінӧ.