Ёрдысьяс 5:11 - Коми Библия 2023

¹¹ Юкмӧс дорын ыжъясӧс юкталысьяс сьылӧны Господьлӧн вермӧм йылысь, ошкӧны израильса юралысьясӧс. Господьлӧн войтырыс дзиръя дорӧ локтӧма.

Ёрдысьяс 5:11 Iomraidhean Croise

Олӧм 24:11

Рытгорувнас сувтӧдіс верблюдъяссӧ кар ортсыас, ва юкмӧс дорӧ, буретш сійӧ кадас, кор аньяс волывлісны ва гумлавны.

Олӧм 29:2

Мунігас аддзис видз-му вылысь юкмӧс, кӧні юктавлісны ыжъясӧс. Юкмӧс гӧгӧрыс куйліс куим ыж чукӧр. Юкмӧссӧ вӧлі тупкӧма ыджыд изйӧн.

Олӧм 29:3

Кор сэтчӧ чукӧртлісны став ыжсӧ, ыж видзысьяс вештылісны изсӧ юкмӧс вомсьыс да юктавлісны ыжъяссӧ, а сэсся изнас бӧр тупкылісны юкмӧс вомсӧ.

Иов 29:7

Кор ме петавлі карса дзиръя дорӧ, изэрд вылын пуксьывлі аслам пуклӧсӧ,

Псалтыр 145:7

Сійӧ дорйӧ увтыртӧмаӧс, тшыгъялысьлы сетӧ нянь. Господь мездӧ дорӧмаӧс,

Псалтыр 71:15

Ӧксылӧн олӧмыс мед лоӧ кузь нэма, сылы мед ваясны Саваысь дона зарни, йӧзыс мед дугдывтӧг кевмысясны сы вӧсна, быд лун мед бурсиасны сійӧс.

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Исай 28:6

Сійӧ велӧдас ёрдысьясӧс веськыда мыждыны, сетас повтӧмлун налы, кодъяс вӧтлӧны вӧрӧгӧс карса дзиръя дорысь.

Еремей 7:2

«Сувт Господьлӧн крам дзиръя дорӧ да юӧрт сэні, мый Ме висьтала. Кывзӧй Господьлысь кывсӧ, Иуда муын олысьяс, кодъяс ветланныд тайӧ дзиръяӧд копыртчыны Господьлы.

Бӧрданкыв 5:4

Асланым юан ваысь ми мынтысям эзысьӧн, песнымӧс судзӧдам сьӧм вылӧ.

Бӧрданкыв 5:9

Ми полӧмӧн шедӧдам нянь, ӧд овтӧминысь локтӧны шыпурта мырддялысьяс.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Индӧд 22:24

тіянлы колӧ кыкнаннысӧ вайӧдны карса дзиръя дорӧ да кувтӧдзныс изъявны – нывсӧ сыысь, мый эз горзы, ӧд карын позьӧ вӧлі корны отсӧг, а айловсӧ сыысь, мый янӧдіс матыссаыслысь гӧтырсӧ. Бырӧдӧй лёксӧ ас пӧвстсьыныд.

Индӧд 33:21

Аслыс сійӧ бӧрйис медбур му, сылы сетӧма юралысьлысь пай. Войтырлӧн юралысьяскӧд сійӧ локтіс, Господьлӧн веськыд кӧсйӧм серти вӧчис, Господьлысь веськыда мыждӧмсӧ Израильын збыльмӧдіс.

Ёрдысьяс 11:40

быд во нёль лун кежлӧ израильса нывъяс мунӧны сьывны галаадса Еффайлӧн ныв йылысь сьыланкывъяс.

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Ӧксыяслӧн 1 небӧг 12:7

Ӧні сувтӧй, а ме кута мыждыны тіянӧс Господь водзын. Кута казьтывны тіянлы Сылысь веськыд уджъяссӧ, мый Сійӧ вӧчис тіянлы да тіян батьяслы.