Ёрдысьяс 4:9 - Коми Библия 2023

⁹ Девора шуис сылы: «Ме муна тэкӧд. Но тӧд, мый тышӧ ветлӧмысь ошкӧмыс оз ло тэныд, ӧд Господь сетас Сисарӧс ань киӧ». Девора мӧдӧдчис Вараккӧд ӧтлаын Кедешӧ.

Ёрдысьяс 4:9 Iomraidhean Croise

2 Каднебӧг 26:18

Найӧ кыпӧдчисны Озей ӧксылы паныд да шуисны сылы: «Озей, тэныд оз позь тшынӧдчыны Господь водзын. Тайӧс вермӧны вӧчны сӧмын попъяс, Ааронсянь чужысьяс, кодъясӧс вежӧдӧма-торйӧдӧма тшынӧдчыны. Пет крамсьыс, ӧд тэ мыж вӧчин, и тайӧ оз вай тэныд Господь Ен водзын нималӧмсӧ».

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Ёрдысьяс 4:8

Варак вочавидзис Деворалы: «Тэ кӧ лоан мекӧд, ме муна, а он кӧ, ог мун. [Ӧд ме ог тӧд лунсӧ, кор Господь мӧдӧдас анделсӧ мекӧд мунны.]»

Ёрдысьяс 9:53

сэки ӧти ань сылы юр вылас шыбитіс изки. Изкиыс поткӧдіс сылысь юрсӧ.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.