Ёрдысьяс 4:7 - Коми Библия 2023

⁷ Ме вайӧда Явин ӧксылӧн тышкайӧзнас веськӧдлысь Сисарӧс, сылысь тарантасъяссӧ да тышкайӧзсӧ Кишон ю дорӧ да сета сійӧс тэнад киӧ”».

Ёрдысьяс 4:7 Iomraidhean Croise

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 14:8

Господь чорзьӧдіс фараонлысь, египетса ӧксылысь, сьӧлӧмсӧ [да сылӧн киподувса йӧзлысь сьӧлӧмнысӧ]. Фараон уськӧдчис вӧтӧдны Израиль пиянӧс, а Израиль пиян Господьлӧн нуӧдӧм улын мунісны водзӧ.

Петӧм 21:13

Но сійӧ кӧ эз кӧсйы вины мортсӧ, а Енмыс лэдзис тадзи лоны, сэки мед пышъяс, кытчӧ Ме инда.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.

Нав Исус 11:6

Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».

Нав Исус 8:7

ті петанныд кыйӧдчанінсьыд да босьтанныд карсӧ. Господь, тіян Енныд, сетас сійӧс тіян киӧ.

Ёрдысьяс 4:14

Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.

Ёрдысьяс 4:8

Варак вочавидзис Деворалы: «Тэ кӧ лоан мекӧд, ме муна, а он кӧ, ог мун. [Ӧд ме ог тӧд лунсӧ, кор Господь мӧдӧдас анделсӧ мекӧд мунны.]»

Ёрдысьяс 5:21

Нэмӧвӧйся ю, Кишон ю, кылӧдіс вӧрӧгӧс. Эн пов петны тышӧ, сьӧлӧмӧй!

Ӧксыяслӧн 1 небӧг 24:10

да шуис: «Мыйла тэ кывзан йӧзыслысь сёрнисӧ, Давид пӧ мӧвпыштӧма лёк вӧчны тэныд.

Ӧксыяслӧн 1 небӧг 24:18

Саул шуис Давидлы: «Тэ веськыда вӧчин, ме эг. Тэ вӧчин меным бурсӧ, а ме мынтыси тэныд лёкӧн.