Ёрдысьяс 4:19 - Коми Библия 2023

¹⁹ Сисар шуис сылы: «Горшӧй косьмӧ. Вай меным ва юыштны». Яэль разис кучик дозсӧ да сетіс сылы йӧв, сэсся бӧр вевттис сійӧс.

Ёрдысьяс 4:19 Iomraidhean Croise

Олӧм 24:43

Ӧні ме сулала юкмӧс дорын [кытчӧ карса нывъяс локтӧны ва гумлавны]. Кор татчӧ локтас ныв, медым гумлавны ва, ме кора сылӧн гырнич дозйысь васӧ юыштны.

Ӧксыяслӧн 3 небӧг 17:10

Илля муніс Сарепта карӧ. Карса дзиръя дорӧ матыстчигӧн сійӧ аддзис пес чукӧртысь дӧваӧс. Илля корис аньӧс да шуис: «Вай меным юыштны гырничсьыд ватӧ».

Исай 41:17

Гӧльяс да коньӧръяс корсьӧны ва, но оз аддзыны, налӧн вом пытшкӧсныс пакталӧма. Но Ме, Господь, кыла найӧс, Ме, Израильлӧн Ен, ог эновт найӧс.

Иоан 4:7

Самарияса ань локтіс сэтчӧ вала. Исус шыасис сы дінӧ: «Юктӧдышт Менӧ ванад».

Ёрдысьяс 4:18

Яэль петіс паныдавны Сисарӧс да шуис сылы: «Лок пыр, ыджыдӧй! Эн пов!» Сисар пырис Яэль ордӧ чомъяс. Яэль вевттис сійӧс [аслас] шебрасӧн.

Ёрдысьяс 4:20

Сисар шуис сылы: «Сувт чом пыранінас. Израильсаяс кӧ локтасны да юаласны, эм-ӧ кодкӧ тані, тэ шу, мый абу».

Ёрдысьяс 5:24

Бурсиӧма аньяс пӧвстысь Яэльӧс, кеней войтырысь Хеверлысь гӧтырсӧ, чомйын олысь аньяс пиысь сійӧс бурсиӧма.