Ёрдысьяс 3:5 - Коми Библия 2023

⁵ Израиль пиян олісны ханаансаяс, хеттейяс, аморейяс, перезейяс, [гергесейяс,] хивейяс да евуссаяс пӧвстын.

Ёрдысьяс 3:5 Iomraidhean Croise

Олӧм 13:7

Ӧврамлӧн да Лотлӧн ыж-мӧс видзысьясыс кутісны зыксьыны ӧта-мӧдныскӧд. Сійӧ кадас тайӧ муас нӧшта олісны ханаансаяс да перезейяс.

Ӧксыяслӧн 3 небӧг 9:20

Аморейясысь, хеттейясысь, перезейясысь, [ханаансаясысь,] хивейясысь, евуссаясысь [да гергесейясысь] ловйӧн кольӧмаясӧс Соломон уджӧдіс. Тадзи найӧ талунӧдз мынтӧны сылы вот. Тайӧ йӧзыс эз вӧвны Израиль войтырысь, а чужисны Израиль муын мукӧд войтыръяссянь, кодъясӧс израильсаяс эз вермыны дзикӧдз бырӧдны.

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Лыд 13:29

Но сэтчӧс войтырыс ён, и найӧ олӧны зэв ыджыд изкаръясын. Ми аддзылім весиг Енаксянь чужысьясӧс.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Нав Исус 11:3

Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

Ёрдысьяс 1:4

Иудасянь чужысьяс петісны тышӧ. Господь сетіс ханаансаясӧс да перезейясӧс налӧн киӧ. Везекын найӧ пасьвартісны дас сюрс мортӧс.

Ёрдысьяс 1:5

Сэні найӧ паныдасисны везекса ӧксыкӧд да тышкасисны сыкӧд, пасьвартісны ханаансаясӧс да перезейясӧс.