Ёрдысьяс 3:31 - Коми Библия 2023

³¹ Эхуд бӧрся ёрдысьӧн вӧлі Шамгар, Анатлӧн пиыс. Ӧшъясӧс вӧтлан ёсь зорйӧн сійӧ виис квайтсё филистимсаӧс. Сійӧ тшӧтш мездіс Израиль войтырӧс.

Ёрдысьяс 3:31 Iomraidhean Croise

1 Коринфӧ 1:17

Кристос ӧд мӧдӧдіс менӧ эз пыртны, а висьтавлыны Бур Юӧрсӧ. Тайӧ Юӧрсӧ ме висьтала ог мывкыд кывъясӧн, медым Кристослӧн крестыс эз вошты ассьыс вынсӧ.

Ёрдысьяс 10:11

Господь вочавидзис налы: «Египетсаяс, аморейяс, аммонсаяс, филистимсаяс

Ёрдысьяс 10:17

Аммонсаяс чукӧртчисны да сувтісны Галаадӧ, а израильсаяс чукӧртчисны да сувтісны Миспаӧ.

Ёрдысьяс 10:7

Господь скӧрмис Израиль войтыр вылӧ да сетіс найӧс филистим да аммон войтыръяс киӧ.

Ёрдысьяс 15:15

Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.

Ёрдысьяс 2:16

Господь сувтӧдліс Израиль войтырлы ёрдысьясӧс, кодъяс мездылісны найӧс мырддялысьяслӧн киысь.

Ёрдысьяс 3:30

Сійӧ лунӧ израильсаяс вермисны моавсаясӧс. Кӧкъямысдас во чӧж Израиль муын эз вӧвны тышъяс. [Эхуд кувтӧдзыс вӧлі Израиль войтырлы ёрдысьӧн.]

Ёрдысьяс 4:1

Эхудлӧн кулӧм бӧрын Израиль пиян бара кутісны вӧчны Господь водзын шогмытӧмсӧ.

Ёрдысьяс 5:6

Анатлӧн Шамгар пиыслӧн олігӧн, Яэльлӧн олан лунъясӧ туйяс вӧліны кушӧсь, йӧзыс корсисны кытшола туйяс.

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Ӧксыяслӧн 1 небӧг 12:9

Но батьясныд вунӧдісны Господьӧс, ассьыныс Енсӧ. Сэки Господь сетіс найӧс хацорса тышкайӧзӧн Сисар нима веськӧдлысь киӧ, филистимсаяс киӧ да моавса ӧксы киӧ. Найӧ ставныс тышкасисны батьясныдлы паныд.

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».

Ӧксыяслӧн 1 небӧг 17:50

Тадзи Давид вермис филистимсаӧс аслас из лыйлан кӧвйӧн. Давидлӧн эз вӧв шыпурт, но сійӧ виис филистимсаӧс.

Ӧксыяслӧн 1 небӧг 4:1

[Филистимсаяс чукӧртчисны, мед тышкасьны израильсаяскӧд.] Самуил сёрнитіс став Израиль войтыркӧд, и израильсаяс петісны тышӧ филистимсаяслы паныд. Израильса тышкайӧз сувтісны Эвен-Эзер бокӧ, а филистимсаяс – Афек бокӧ.