Ёрдысьяс 21:5 - Коми Библия 2023

⁵ Найӧ юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны, кор ми чукӧртчылім Господь водзӧ?» Ӧд вӧлі кыв сетӧма, мый лоӧ виӧма быдӧнӧс, коді оз лок Господь водзӧ Миспаӧ.

Ёрдысьяс 21:5 Iomraidhean Croise

Еремей 48:10

Ёрӧма быдӧнӧс, коді дышпырысь кесъялӧ-уджалӧ Господьлы. Ёрӧма быдӧнӧс, коді падмӧдӧ Господьлысь шыпуртсӧ вир кисьтӧмысь.

Ёрдысьяс 21:1

Миспаӧ чукӧртчылігӧн израильсаяс вӧлі кыв сетӧмаӧсь, мый Венямин чужанкотырӧ некод ассьыс нывсӧ верӧс сайӧ оз сет.

Ёрдысьяс 21:18

Но ассьыным нывъясӧс ми огӧ вермӧй сетны на сайӧ. Ӧд Израиль пиян кыв сетісны, мый лоӧ ёрӧма быдӧнӧс, коді Венямин чужанкотырӧ сетас ассьыс нывсӧ верӧс сайӧ».

Ёрдысьяс 21:6

Израиль пиянлӧн сьӧлӧмныс нормис Венямин чужанкотыр вӧсна, асланыс вокъяс вӧсна. Найӧ шуисны: «Талун Израиль воштіс ӧти чужанкотыр.

Ёрдысьяс 5:23

«Ёрӧй Мероз карӧс, – шуӧ Господьлӧн андел. – Ёрӧй, сетӧй ёрӧм улӧ сэтчӧс олысьяссӧ. Ӧд найӧ эз локны Господьлы отсӧг вылӧ, налӧн тышкайӧзыс эз локны отсавны Господьлы».

Ӧксыяслӧн 1 небӧг 11:7

Сійӧ босьтіс кык ӧшкӧс да кераліс найӧс, яйторъяссӧ ыстіс юӧр вайысьяскӧд став Израиль му пасьтала да тшӧктіс шуны: ”Коді оз пет тышӧ Саулкӧд да Самуилкӧд, сылысь ӧшъяссӧ тадзи жӧ лоӧ кералӧма”. Господьысь полӧм босьтіс войтырсӧ, и найӧ ставныс ӧтитӧг мунісны Саул бӧрся.

Ӧксыяслӧн 1 небӧг 14:24

Израильса тышкайӧз вӧлі ёна мудзӧмаӧсь. Ӧд таӧдз Саул шуис налы: «Ёрӧма быдӧнӧс, коді рытӧдзыс, вӧрӧглысь водзӧс перйытӧдз, мыйкӧ сёяс». Сійӧ [мӧвпышттӧг] тшӧктіс тышкайӧзыслы кыв сетны. Та вӧсна найӧ нинӧм эз сёйны.