Ёрдысьяс 21:4 - Коми Библия 2023

⁴ Мӧд асывнас войтырыс чеччис водз, сувтӧдіс висьпуктанін да вайис сэні сотан да бурасян висьяс.

Ёрдысьяс 21:4 Iomraidhean Croise

Ӧксыяслӧн 2 небӧг 24:18

Сійӧ лунӧ локтіс Давид дінӧ Гад пророк да шуис: «Мун евусса Орнанлӧн гумла вылӧ да сувтӧд сэтчӧ Господьлы висьпуктанін».

Ӧксыяслӧн 2 небӧг 24:25

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. [Бӧрынджык Соломон ыдждӧдіс тайӧ висьпуктанінсӧ, ӧд сійӧ вӧлі ичӧт.] Господь кыліс войтырыслысь кевмӧмсӧ и вештіс кулӧм-бырӧдӧмсӧ Израиль вылысь.

Ӧксыяслӧн 3 небӧг 8:64

Сійӧ жӧ лунӧ ӧксы вежӧдіс Господьлӧн крам йӧрлысь шӧр юкӧнсӧ, сотіс сэні сотан вись да нянь вись, тшӧтш бурасян вись пыдди вайӧм пемӧсъяслысь госсӧ. Ӧд ыргӧн висьпуктаніныс, мый сулаліс Господь водзын, вӧлі ичӧт, сэтчӧ эз тӧр сотан вись, нянь вись да пемӧсъяслӧн госыс.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Индӧд 12:5

Господь, тіян Енныд, бӧръяс Аслас нимлы оланін ӧти чужанкотырлӧн муын. Сэтчӧ мунӧй

Еврейяслы 13:10

Миян эм сэтшӧм висьпуктанін, кытчӧ вайӧм висьсӧ оз позь сёйны вежа чомйын кесъялысьяслы.

Ёрдысьяс 20:26

Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.

Ёрдысьяс 21:3

Найӧ шуалісны: «Господьӧй, Израильлӧн Енмӧй! Мыйла татшӧмторйыс лои Израильын? Ӧні Израильын оз тырмы ӧти чужанкотыр».

Ёрдысьяс 6:24

Гедеон вӧчис сэні Господьлы висьпуктанін да нимтіс сійӧс ”Яхве-шалом”. Висьпуктаніныс ӧнӧдз сулалӧ Офраын, Авиэзер рӧдлӧн му вылас.

Ёрдысьяс 6:26

Вӧч тайӧ керӧс вылас висьпуктанін Господьлы, аслад Енлы [коді петкӧдчис тэныд]. Ставсӧ вӧч колана ногӧн. Кералӧм юрбитан пусӧ сот пес пыдди висьпуктанін вылас, а ӧшсӧ вай сотан вись пыдди».

Ӧксыяслӧн 1 небӧг 7:17

Самуил оліс Рама карын, сэні сійӧ тшӧтш вӧлі ёрдысьӧн. Рама карын Самуил сувтӧдіс Господьлы висьпуктанін.