Ёрдысьяс 21:25 - Коми Библия 2023

²⁵ Сійӧ кадас Израильын эз вӧв ӧксыыс. Быдӧн вӧчис сійӧ, мый чайтіс веськыдӧн.

Ёрдысьяс 21:25 Iomraidhean Croise

Псалтыр 12:4

Господьӧй, менам Енмӧй, видзӧдлы ме вылӧ да вочавидз меным. Сет меным аддзыны Тэнсьыд югыдтӧ, медым ме эг унмовсь кулана унмӧн,

Шусьӧгъяс 14:12

Туйтӧ чайтан веськыдӧн, но туй помад виччысьӧ кулӧм.

Шусьӧгъяс 3:5

Эскы Господьлы став сьӧлӧмнад, эн аслад вежӧр вылӧ подулась.

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Индӧд 12:8

Сійӧ муас энӧ олӧй сідзи, кыдзи ӧні ми тані олам, ӧд тані быдӧн вӧчӧ сійӧ, мый чайтӧ веськыдӧн.

Ёрдысьяс 17:6

Сійӧ кадас Израильын эз вӧв ӧксыыс. Быдӧн вӧчис сійӧ, мый чайтіс веськыдӧн.

Ёрдысьяс 18:1

Сійӧ кадас Израильын эз вӧв ӧксыыс. Дан чужанкотыр корсис аслыс му, медым овмӧдчыны сэтчӧ, ӧд найӧ эз на вермыны босьтны аслыныс мусӧ Израиль чужанкотыръяс пӧвстын.

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.

Ёрдысьяс 19:1

Сійӧ кадас Израильын эз вӧв ӧксыыс. Ефрем керӧсвыв му пельӧсын оліс ӧти левит. Сійӧ босьтіс аслыс кесйӧг-гӧтырӧс Виплиемысь, Иуда муысь.

Ёрдысьяс 21:24

Израильсаяс разӧдчисны гортаныс, быдӧн муніс аслас муӧ чужанкотырыс да рӧдыс дінӧ.