Ёрдысьяс 21:15 - Коми Библия 2023

¹⁵ Израиль войтырлӧн сьӧлӧмыс нормис Венямин чужанкотыр вӧсна, ӧд Господь лэдзис, мый израильса чужанкотыръяс пӧвстын вӧлі зыксьӧм.

Ёрдысьяс 21:15 Iomraidhean Croise

1 Каднебӧг 13:11

Давид шогӧ усис, мый Господь виис Уззайӧс. Тайӧ местасӧ Давид нимтіс Перез-Узза. Тадзи ӧнӧдз шуӧны.

1 Каднебӧг 15:13

Водзынджык энӧ ті новлӧдлӧй кудсӧ, та вӧсна Господь, миян Енным, мыждіс миянӧс, ӧд ми эгӧ шогмана ногӧн шыасьлӧй Сы дінӧ».

Исай 30:13

Та вӧсна тіян мыжныд лоӧ джуджыд стенмын ыджыд потас кодь – виччысьтӧг, ӧти здукӧн стенмыс усяс.

Исай 58:12

Тэ выльысь кыпӧдан важӧн пазӧдӧм каръяс, лэптан керкаяс важ подувъяс вылӧ. Тэнӧ пондасны шуны карса стенъяс дзоньталысьӧн, туйяс восьтысь-лӧсьӧдысьӧн.

Ёрдысьяс 21:14

Веняминсянь чужысьяс бӧр локтісны [израильсаяс дінӧ], и израильсаяс сетісны налы нывъясӧс, кодъясӧс ловйӧн колисны Галаад муын Явис карын олысьяс пӧвстысь. Но нывъясыс ставныслы эз тырмыны.

Ёрдысьяс 21:16

Войтырлӧн юрнуӧдысьяс шуисны: «Венямин чужанкотырысь аньясӧс бырӧдӧма. Кытысь миянлы нӧшта корсьны гӧтыръясӧс ловйӧн кольӧм айуловлы?»

Ёрдысьяс 21:17

Сэсся содтісны: «Венямин чужанкотырлы вичмӧдӧм муыс мед кольӧ Венямин чужанкотыр пӧвстысь ловйӧн кольӧмаяслы. Израиль войтыр пӧвстысь мед оз быр ни ӧти чужанкотыр!

Ёрдысьяс 21:6

Израиль пиянлӧн сьӧлӧмныс нормис Венямин чужанкотыр вӧсна, асланыс вокъяс вӧсна. Найӧ шуисны: «Талун Израиль воштіс ӧти чужанкотыр.