Ёрдысьяс 21:10 - Коми Библия 2023

¹⁰ Израиль войтыр мӧдӧдіс Галаад муӧ Явис карӧ дас кык сюрс вына тышкамортӧс да тшӧктіс: «Мунӧй да виалӧй шыпуртӧн Явис карса олысьясӧс, тшӧтш аньясӧс да челядьӧс.

Ёрдысьяс 21:10 Iomraidhean Croise

Лыд 31:17

Сідзкӧ, виӧй став зонпоснисӧ. Виӧй тшӧтш аньясӧс, кодъяс узьлісны айуловкӧд.

Индӧд 13:15

сэки виӧй шыпуртӧн тайӧ карсьыс став олысьсӧ. Дзикӧдз бырӧдӧй карсӧ да ставсӧ, мый сэні эм, весиг ыж-мӧссӧ шыпуртӧн виалӧй.

Нав Исус 7:24

Израиль войтыркӧд Исус петкӧдіс Акор ковтысӧ Зерахлысь Акан писӧ, Господьлы сиӧмторйысь босьтӧм паськӧмсӧ, эзысьсӧ да зарни ёкмыльсӧ, тшӧтш сылысь ныв-писӧ, ыж-мӧссӧ, осёлъяссӧ да чомсӧ – дзик ставсӧ, мый сылӧн вӧлі.

Ёрдысьяс 21:5

Найӧ юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны, кор ми чукӧртчылім Господь водзӧ?» Ӧд вӧлі кыв сетӧма, мый лоӧ виӧма быдӧнӧс, коді оз лок Господь водзӧ Миспаӧ.

Ёрдысьяс 21:8

Нӧшта юалісны: «Вӧліны-ӧ Израиль чужанкотыръяс пӧвстын сэтшӧм йӧз, кодъяс эз локны Миспаӧ Господь водзӧ?» Вӧлӧмкӧ, Галаад муысь Явис карысь некод абу вӧлӧма чукӧртчанінын.

Ёрдысьяс 21:9

Та йылысь вӧлі тӧдмалӧма, кор лыддисны войтырсӧ.

Ёрдысьяс 5:23

«Ёрӧй Мероз карӧс, – шуӧ Господьлӧн андел. – Ёрӧй, сетӧй ёрӧм улӧ сэтчӧс олысьяссӧ. Ӧд найӧ эз локны Господьлы отсӧг вылӧ, налӧн тышкайӧзыс эз локны отсавны Господьлы».

Ӧксыяслӧн 1 небӧг 11:7

Сійӧ босьтіс кык ӧшкӧс да кераліс найӧс, яйторъяссӧ ыстіс юӧр вайысьяскӧд став Израиль му пасьтала да тшӧктіс шуны: ”Коді оз пет тышӧ Саулкӧд да Самуилкӧд, сылысь ӧшъяссӧ тадзи жӧ лоӧ кералӧма”. Господьысь полӧм босьтіс войтырсӧ, и найӧ ставныс ӧтитӧг мунісны Саул бӧрся.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».