Ёрдысьяс 20:7 - Коми Библия 2023

⁷ Ӧні ті, Израиль пиян, мӧвпыштӧй да висьталӧй, мый вӧчны!»

Ёрдысьяс 20:7 Iomraidhean Croise

Шусьӧгъяс 20:18

Могъястӧ сувтӧд туйдӧдӧмсӧ кывзӧм бӧрын, туйдӧдтӧг тышӧ эн пет.

Шусьӧгъяс 24:6

Туйдӧдтӧг тышӧ эн пет, туйдӧдысьыд кор уна, верман.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

1 Коринфӧ 5:6

Тіянлы нинӧмӧн ошйысьнысӧ! Ті ӧмӧй онӧ тӧдӧй, мый этшаник няньшом шоммӧдӧ дзоньнас кӧтассӧ.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Нав Исус 9:14

Господьлысь юасьтӧг израильсаяс видлісны локтысьяслысь няньсӧ.

Ёрдысьяс 19:30

[Мӧдӧдӧм йӧзлы левит тшӧктіс юавны Израиль войтырлысь, вӧлі-ӧ коркӧ татшӧмторйыс.] Вир-яй юкӧнъяссӧ аддзылысьяс шуисны: «Израиль пиянлӧн Египетысь петан лунсянь талунъя лунӧдз татшӧмторйыс эз вӧвлы. Видзӧдӧй да мӧвпалӧй, мый водзӧ вӧчны!»

Ёрдысьяс 20:8

Став войтырыс ӧтитӧг сувтіс да шуис: «Огӧ разӧдчӧй гортаным, огӧ мунӧй чомъясаным.