Ёрдысьяс 20:6 - Коми Библия 2023

⁶ Ме босьті сылысь шойсӧ да кералі, сэсся вир-яй юкӧнъяссӧ ысталі Израиль му пасьтала. Ӧд пеж зывӧктор вӧлі вӧчӧма Израильын.

Ёрдысьяс 20:6 Iomraidhean Croise

Олӧм 34:7

Тайӧ кадас видз вылысь локтісны Яковлӧн пияныс. Найӧ кылісны лоӧмтор йылысь да ёна скӧрмисны, ӧд Яковлысь нывсӧ мырдӧналӧмнас – тайӧ шогмытӧмторсӧ вӧчӧмнас – Сикем янӧдіс Израильӧс.

Левит 18:24

Тадзи вӧчӧмнаныд асьнытӧ энӧ пежалӧй, ӧд тадзи вӧчигӧн асьнысӧ пежалісны войтыръяс, кодъясӧс Ме вӧтла тіян водзысь.

Левит 18:30

Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

Нав Исус 7:15

Кор лоӧ аддзӧма Господьлы сиӧмтор босьтысь мортӧс, сотӧй биын сійӧс да ставсӧ, мый сылӧн эм. Ӧд сійӧ шогмытӧмтор вӧчис Израильын да торкис Господьлысь йитӧдсӧ, мый Сійӧ кӧрталіс тіянкӧд».

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».

Ёрдысьяс 19:23

Керка кутысь петіс на дінӧ да шуис: «Вокъяс, кора тіянӧс, энӧ вӧчӧй лёксӧ. Тайӧ мортыс ӧд менам керкаӧ локтіс. Энӧ вӧчӧй пежсӧ!

Ёрдысьяс 19:29

Гортас воӧм бӧрын левит босьтіс пурт да вундаліс кесйӧг-гӧтырсӧ дас кык пельӧ, сэсся вир-яй юкӧнъяссӧ мӧдӧдаліс Израиль му пасьтала.

Ёрдысьяс 20:10

Израильлӧн став чужанкотырысь быд сё мортысь ми босьтам дасӧс, быд сюрс мортысь – сёӧс, дас сюрсысь – сюрсӧс. Найӧ мед ваясны сёян тышкайӧзлы, кодъяс мунасны Венямин чужанкотырлӧн Гива карӧ, медым сэтчӧс олысьяслысь водзӧс перйыны сыысь, мый Израильын найӧ вӧчисны пежсӧ».