Ёрдысьяс 20:27 - Коми Библия 2023

^27-28 Сійӧ кадас Енлӧн Йитӧд кудйыс вӧлі Вефильын, и Пинес, Ааронлӧн Элазар пиыслӧн пиыс, кесъяліс сы водзын. Израиль пиян юалісны Господьлысь: «Колӧ-ӧ миянлы бара на петны тышӧ Венямин чужанкотырлы, миян вокъяслы, паныд?» Господь шуис: «Петӧй. Аски Ме сета найӧс тіян киӧ».

Ёрдысьяс 20:27 Iomraidhean Croise

Ӧксыяслӧн 2 небӧг 7:6

Израиль войтырӧс Египетысь петкӧдӧмсянь да ӧнӧдз Ме эг овлы керкаын. Ӧтиласянь мӧдлаӧ ветлігӧн Ме олі вежа чомйын.

Исай 59:1

Господьлӧн киыс эз дженьдаммы, медым мездыны, Сылӧн пельыс эз сьӧктаммы, медым кывны.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Ӧксыяслӧн 1 небӧг 10:3

Сэтысянь водзӧ мунан да воан Тавор тупуа раскӧ. Сэні тэ паныдасян Вефильӧ Ен дінӧ мунысь куим морткӧд: ӧтиыс нуӧ куим кӧзапи, мӧдыс – куим нянь, коймӧдыс – кучик дозйын вина.