Ёрдысьяс 19:25 - Коми Библия 2023

²⁵ Но найӧ эз кывзыны сійӧс. Сэки левит босьтіс кесйӧг-гӧтырсӧ да петкӧдіс сійӧс налы, и найӧ мырдӧналісны-янӧдісны сійӧс войбыд. Асывнас кыа петігӧн сӧмын лэдзисны сійӧс.

Ёрдысьяс 19:25 Iomraidhean Croise

Олӧм 4:1

Адам узис Ева гӧтырыскӧд. Ева кынӧмасис, чужтіс Каинӧс да шуис: «Господь сетіс чужтыны меным пиӧс».

Осий 10:9

Израиль, тэ мыж вӧчин Гиваын, и сійӧ кадсянь ӧнӧдз мыж вӧчан. Сэні жӧ, Гиваын, тышыс суас мыж вӧчысьясӧс.

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Ефесӧ 4:19

Найӧ воштӧмаӧсь яндзимнысӧ, лэдзчысьӧмаӧсь олӧмсьыс да быдпӧлӧс пежсӧ вӧчӧны пӧтлытӧг.

Ёрдысьяс 19:24

Менам эм ныв, сійӧ абу на верӧс сайын, а тайӧ локтысь мортлӧн эм кесйӧг-гӧтыр. Найӧс ме петкӧда тіянлы. Вӧчӧй накӧд, мый кӧсъянныд. Янӧдӧй найӧс, а тайӧ мортыслы энӧ вӧчӧй пежсӧ!»

Ёрдысьяс 19:26

Югдандорыс ань локтіс керка дорӧ, кӧні вӧлі сылӧн ыджыдыс. Сійӧ усис керка ӧдзӧс дорас да куйліс сэні, кытчӧдз эз югды.

Ёрдысьяс 20:5

Гива карса олысьяс кӧсйисны уськӧдчыны ме вылӧ. Войнас найӧ кытшалісны керкасӧ, кӧні ме вӧлі, да кӧсйисны вины менӧ. Гӧтырӧс найӧ мырдӧналісны [да янӧдісны], и сійӧ куліс.