Ёрдысьяс 19:10 - Коми Библия 2023

¹⁰ Но левит эз кӧсйы кольччыны, а петіс туйӧ. Воис Евус кар дорӧдз, ӧнія Ерусалим дорӧдз. Сыкӧд вӧліны нӧбъялӧм кык осёл да кесйӧг-гӧтырыс.

Ёрдысьяс 19:10 Iomraidhean Croise

Ӧксыяслӧн 2 небӧг 5:6

Ӧтчыд Давид ӧксы аслас тышкайӧзкӧд петіс тышӧ Ерусалимын олысь евуссаяслы паныд. Найӧ шуисны Давидлы: «Татчӧ тэ он пыр. Пыран кӧ, тэнӧ вӧтласны весиг синтӧмъяс да коктӧмъяс». Тадзи шуалісны, ӧд чайтісны, мый Давид оз вермы пырны налӧн изкарӧ.

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Нав Исус 15:8

Водзӧ войвыв мудорныс мунӧ Бен-Хинном ковтысӧд Евус, мӧд ногӧн кӧ, Ерусалим, лунвывладорті да кыпӧдчӧ керӧс йылӧ, мый сулалӧ Хинном ковтыссянь рытыввылын, Рефаим ковтыслӧн войвывладор помын.

Нав Исус 18:28

Цела, Элеф да Евус, мӧд ногӧн кӧ, Ерусалим, Гива да Киръят каръяс – дас нёль кар да нагӧгӧрса сиктъяс. Татшӧм му вичмӧдӧма Венямин чужанкотырлӧн рӧдъяслы.

Ёрдысьяс 1:8

Иудасянь чужысьяс уськӧдчисны Ерусалим вылӧ да босьтісны сійӧс. Сэтчӧс олысьяссӧ виисны шыпуртӧн, а карсӧ сотісны.

Ёрдысьяс 19:9

Сэсся левит чеччис да кӧсйис кесйӧг-гӧтырыскӧд да кесйӧгыскӧд петны туйӧ. Но тесьтыс шуис сылы: «Видзӧдлы, рыт нин воӧ. Узь тані, бурпӧт шойччы. Аски водз асывнас мӧдӧдчанныд гортад».