Ёрдысьяс 18:5 - Коми Библия 2023

⁵ Найӧ шуисны: «Юав Енмыслысь, артмас-ӧ миян ветлӧмным».

Ёрдысьяс 18:5 Iomraidhean Croise

Ӧксыяслӧн 3 небӧг 22:5

Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

Ӧксыяслӧн 4 небӧг 16:15

Ахаз ӧксы шуис Урий поплы: «Выль ыджыд висьпуктанін вылас сот асъя сотан вись да рытъя нянь вись, ӧксылысь сотан висьсӧ да нянь висьсӧ, войтырлысь сотан висьсӧ, нянь висьсӧ да вина висьяссӧ. Сотан вись пыдди да мукӧд вись пыдди вайӧм пемӧсъяслӧн вирнас рез висьпуктанінсӧ. А ыргӧн висьпуктаніныс мед сулалас, кытчӧдз ме ог тшӧкты, мый вӧчны».

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Осий 4:12

Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.

Ап. уджъяс 8:10

Быдӧн ичӧтсянь гырысьӧдз сюся кывзіс сійӧс да шуис, сійӧ пӧ Енлӧн ыджыд выныс.

Ёрдысьяс 17:13

Микей мӧвпаліс: «Ӧні ме тӧда, мый Господь кутас вӧчны меным бурсӧ, ӧд ме ордын олысь левит кесъялӧ попӧн».

Ёрдысьяс 17:5

Микейлӧн вӧлі енъяслы юрбитанін. Сійӧ вӧчис нӧшта ефод да гортса бӧлбанъясӧс, и аслас пиянысь ӧтиӧс пуктіс попӧ.

Ёрдысьяс 18:14

Вит айловыс, кодъяс волісны Лаис карӧ видзӧдавны мусӧ, шуисны вокъясыслы: «Тані ӧти керкаын эм ефод, сывдӧмӧн вӧчӧм бӧлбан да гортса бӧлбанъяс. Ті тӧданныд, мый вӧчны».

Ёрдысьяс 18:4

Сійӧ висьталіс ставсӧ. Шуис, Микей пӧ медаліс менӧ, и ӧні ме кесъяла сы ордын попӧн.

Ёрдысьяс 18:6

Поп висьталіс налы: «Мунӧй лӧнь сьӧлӧмӧн! Господь тӧждысьӧ тіян вӧсна».

Ӧксыяслӧн 1 небӧг 9:9

«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.