Ёрдысьяс 18:19 - Коми Библия 2023

¹⁹ Найӧ вочавидзисны: «Тупкы вомтӧ да чӧв ов. Лок мунам миянкӧд, ло миянлы батьӧн да попӧн. Ӧти мортлӧн керкаын кесъялӧм дорысь бурджык кесъявны израильса дзонь чужанкотырлы».

Ёрдысьяс 18:19 Iomraidhean Croise

Ӧксыяслӧн 4 небӧг 13:14

Елисей чорыда висьмис, бӧрынджык тайӧ висьӧмсьыс и кувсис. Кор Елисей вӧлі висьӧ на, сы дінӧ локтіс израильса Йоас ӧксы. Сійӧ бӧрдӧмӧн шуаліс: «Батьӧй, батьӧй! Тэ – Израильлӧн лачаыс, а абу верзьӧмаяс да тарантасъяс!»

Ӧксыяслӧн 4 небӧг 6:21

Кор израильса ӧксы аддзис арамейясӧс, юаліс Елисейлысь: «Гашкӧ, меным вины найӧс, ыджыдӧй?»

Иов 21:5

Вомнытӧ кинаныд тупкӧй, видзӧдлӧй ме вылӧ, и ті повзянныд.

Иов 29:9

карса веськӧдлысьяс чӧв ланьтлісны, вомнысӧ кинас тупкылісны,

Шусьӧгъяс 30:32

Тэ кӧ йӧйталігад асьтӧ вылӧ пуктін, мӧвпыштін лёк вӧчны, сэки ӧдйӧджык тупкы вомтӧ.

Микей 7:16

Тайӧс аддзасны войтыръяс, и яналасны асланыс вынысь, тупкасны вомнысӧ, лоӧны пельтӧмӧсь.

Матвей 23:9

Тайӧ му вылас некодӧс энӧ ыдждӧдлӧй батьӧн, ӧд Батьыс тіян ӧти – енэжъяс вылын.

Ёрдысьяс 17:10

Микей шуис сылы: «Кольччы ме ордӧ. Ло меным батьӧн да попӧн. Быд во ме кута сетны тэныд дас сикель эзысь, нӧшта сета паськӧм да сёян».

Ёрдысьяс 18:18

Кор тайӧ вит мортыс пырисны Микей керкаӧ да босьтісны ефодсӧ, сывдӧмӧн вӧчӧм бӧлбансӧ да гортса бӧлбанъяссӧ, поп юаліс налысь: «Мый ті вӧчанныд?»

Ёрдысьяс 18:20

Поплы нимкодь лои. Сійӧ босьтіс ефодсӧ, сывдӧмӧн вӧчӧм бӧлбансӧ да гортса бӧлбанъяссӧ, сэсся муніс тышкайӧзкӧд.