Ёрдысьяс 16:20 - Коми Библия 2023

²⁰ Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс.

Ёрдысьяс 16:20 Iomraidhean Croise

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Исай 42:24

Коді лэдзис куштыны Яковӧс, коді сетіс мырддялысьяслы Израильӧс? Эз-ӧ Господь, кодлы паныд ми мыжсӧ вӧчим? Найӧ эз кӧсйыны ветлыны Сылӧн туйясӧд, эз овны Сылӧн Индӧдыс серти.

Осий 7:9

Локтысьяс чурскисны сылысь вынсӧ, а сійӧ эз казявлы тайӧс. Юрсиыс сылӧн дзормис, а сійӧ оз и тӧд та йылысь.

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Матвей 17:16

Ме вайӧдлі сійӧс велӧдчысьяс дінад, но найӧ бурдӧднысӧ эз вермыны».

Матвей 17:20

Исус шуис: «Онӧ эскӧй да. Веськыда висьтала тіянлы: лоас кӧ тіян эскӧмныд горчица тусь ыджда, верманныд шуны тайӧ керӧсыслы: ”Вешйы татысь эстчӧ” – и сійӧ вешъяс. Тіянлы нинӧм вермытӧмыс оз ло.

2 Коринфӧ 3:5

Ми лыддям, мый асьным ми нинӧм вылӧ огӧ туйӧй, нинӧм огӧ сяммӧй вӧчнысӧ, но Енмыс сетӧ миянлы сямлунсӧ.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Нав Исус 7:12

Израиль пиян мышкӧн бергӧдчисны вӧрӧглы да пышйисны. Найӧ эз вермыны вӧрӧгӧс, ӧд веськалісны ёрӧм улӧ. Ёрӧм улӧ веськалӧмаӧс кӧ онӧ бырӧдӧй ас пӧвстсьыныд, Ме тіянкӧд ог ло.

Ёрдысьяс 16:14

[Самсон пуктіс юрсӧ Далидалы пидзӧс вылас, и Далида унмовськӧдіс сійӧс.] Самсонлӧн узигкості Далида кыис сылысь сизимнан кӧсасӧ дӧраӧ да тувъяліс кысян стан бердас. Сэсся шуис: «Самсон, филистимсаяс локтӧны!» Самсон садьмис да дӧрасӧ кысян стансьыс нетшыштіс. [Сылысь вынсӧ эз ло тӧдмалӧма.]

Ёрдысьяс 16:19

Далида унмовськӧдіс Самсонӧс пидзӧс вылас, сэсся корис мортӧс, коді шырис Самсонлысь сизимнан кӧсасӧ. Тадзи Самсонӧс вӧлі вермӧма, и сылӧн выныс бырис.

Ёрдысьяс 16:21

Филистимсаяс босьтісны Самсонӧс да бытшкисны сылысь кыкнан синсӧ. Сэсся вайӧдісны сійӧс Газа карӧ да кӧрталісны ыргӧн чепъясӧн. Дзескыдінын сылы ковмис изны нянь.

Ёрдысьяс 16:3

Самсон войшӧрӧдзыс узис. Сэсся чеччис да муніс карса дзиръя дорӧ, нетшыштіс дзиръясӧ иганнас да куричнас, пуктіс пельпом вылас да нуис Хеврон карлы воча сулалысь керӧс вылӧ. [Сэтчӧ колис дзиръясӧ.]

Ёрдысьяс 16:9

Далидалӧн ӧти жырйын пукалісны филистимса кыйӧдчысьяс. Далида шуис: «Самсон, филистимсаяс локтӧны!» Самсон орйӧдліс гартӧм сӧнъяссӧ биӧн сотӧм шӧртӧс моз. Сылысь вынсӧ эз ло тӧдмалӧма.

Ӧксыяслӧн 1 небӧг 16:14

Саул дінысь Господьлӧн Лолыс вешйис. Господь ыстіс пеж лолӧс, и сійӧ кутіс топӧдны Саулӧс.

Ӧксыяслӧн 1 небӧг 18:10

Мӧд луннас Енмӧн ыстӧм пеж лов уськӧдчис Саул вылӧ. Саул пондіс йӧйтавны аслас керкаын, а Давид воддза мозыс ворсіс гуслиӧн. Сауллӧн киас вӧлі шы.

Ӧксыяслӧн 1 небӧг 18:12

Саул кутіс повны Давидысь, ӧд Господь вӧлі Давидкӧд, а Саулкӧд Господь эз нин вӧв.